Read Alladian MIRILUNGGU 66 Bible Online

MIRILUNGGU 66 - Alladian bible

MIRILUNGGU 66

¹Shédíkíng bojépe ashélangka ami takame!

²Bíkke angun ralnam amínem miripe rínggelangka; bím írgarupe erkílangka;

³Shédíme polangka, “Edítko nokke agérde pesorunampe idune! Nokke ralnamem míípímang, dekepe iname nokke mirue pesuem nokke keralo ngemgípdung.

⁴Tani among takame nom kumdung; bulu nom miripe rínggedung, nokke amínem miripe rínggedung.”

⁵Shédíke inamem aala kaatola; tani gooralo bíkke belede pesorunampe idung.

⁶Bí siyéngem moopípe imoto; ngoluke abu kídíe alelok korong asiem kootoku. Depe bíkke inamem kaala, ngolu ashénge séngééto.

⁷Bí agí tolnamlok agínpe yébomdung, delokke opín takam teyolo amige kanggap bomdung. Bím ipéé sukuna kape aimang.

⁸Ngoluke Shédíme angu opín takame ríngge langka; noluke rínggenamem tatmo langka.

⁹Bí ngolum turdope meto, delokke ngolum olet mokumang.

¹⁰E Shédía, no ngolum ikaato; aremem eme bangkaanam kísape no ngolum ikaato.

¹¹No ngolum língkitlo olíkmoto, delokke ngoluke lamkulo tebegna egedem pyalíktoku.

¹²No miru ale rumkílo ngolum meto; ngolu eme raadang loklang puumu raadalok gítuai, idola supak no ngolum edíngko amolo duumotoku.

¹³Ngo nokke ekumlo rombunam ipagem bomla aayé; nokkíng pébi sunamem ngo nom biyé.

¹⁴Ngokke adírduem ngo ingkuem bipe emla míísat sutodí, dem ngo nom biyé.

¹⁵Deena runggulo mér sobénem romla bidope ngo biyé; palíkpenam gooru sobénem ngo biyé, delo míkkíe taleng telo pííyé.

¹⁶Shédíme pesogena nolu takam tattola, delo ngo bíkke, ngokke legape inamem pobiyé.

¹⁷Ngo bíkkíng igultoyika emla kabbisuto; ngo bím mirilok rínggeto.

¹⁸Ngo ngokke paabem kénsumape ituamílo, RUUTUM bí ngokke agomem tatbimayai.

¹⁹Idakkom Shédí bí ngom tatbito; Bí ngokke kumnamem tatbito.

²⁰Ngo Shédíme rínggedung, kapeila bí ngokke kumnamem ngépak gemang, demangkom bíkke duuyarna ayangem ngokke lok laabínmang.