Read Alladian MIRILUNGGU 7 Bible Online

MIRILUNGGU 7 - Alladian bible

MIRILUNGGU 7

¹E RUUTUM, nokkímin ngo duusi gedune; ngom monmín gena tabung lokke ngom mopít toika,

²demamílo myone kísape ngom satbomla, mopípena kamangkolo ngom bulu sérkéye.

³E RUUTUM, ngokke Shédíe, ngo akonem imemko itumílo,

⁴ngo ngokke angongem míírí míínyo tumílo, demangkom atí akgíng kamape ngokke miruem ngo kuruk tumílo,

⁵mirue ngom monmín gela umdak langka, delokke ngom petla among belo sila doodope idaklangka.

⁶E RUUTUM, nokke marlíngem ngokke miru kídílo píímotoka. E ngokke Shédía, no gerepla ngom igultoika! Aro tetede nokke mataname.

⁷Rego mipílok amiem no goodumsula; buluke teyonglo duubotoika.

⁸RUUTUM bí ami takamem bisarne, Nokke deena ayonlok ngom bisar toika E RUUTUM; no ngokke ainam aimangem kéndung.

⁹No yéjibona Shédíe, delokke ngoluke mííyi míísangem kénlangka. Atímana amilokke agérem imoyimapeka, delokke aina kídíem edíímolangka.

¹⁰Shédí bí ngom mopítne; bíkke agom tatnem bí mosiido.

¹¹Shédí bí arolok bisarne, delokke atímana amikídíem loodíke marbomne.

¹²Bulu imemem bursula yékumamílo Shédí bí bíkke yoksem píratdak. Bí iyyiem hogarla aplíkdak,

¹³bí bíkke mokanana sérangem leemotung, delokke bíkke emedorna epugem iruutung.

¹⁴Kaalangka edítko atímana amie aimana aapíem gedune, bulu ebín esong, yadnam panamem mííbomdung.

¹⁵Amie olíkdope koorunam arulo bulu agísue olík sudung.

¹⁶Dekepeila agíke atímalok bulu agísuem ingéé sudung, delokke agíke ebínlok agíem ikasudung.

¹⁷RUUTUM me bíkke yéjing kolok yidgedung. Teyong telo duuna RUUTUM bím ngo rínggeyé.