Read Alladian MIRILUNGGU 8 Bible Online

MIRILUNGGU 8 - Alladian bible

MIRILUNGGU 8

¹E RUUTUM, ngoluke Ruutume, nokke bottenamem tani among tabusi kaapadung! Nom rínggename teyong amolo píídung,

²dem yidge miridem koo kídíelang ojing kídíe ludung, no miru takamlokke iang lamangkolo dung; nom ikísunem no tolya sudung.

³Nokke pílennam taleng amongem ngo kaayém,

⁴nokke míítínam tanisi ingkuedí; emmumna nokke ankí bomnam amide ingkuedí?

⁵Ilate no bím Shédíme pemílo anyongoko améyadope píto, delokke bíkkíng erkí namemlang bottenamem bitung.

⁶No nokke pínam takam teyolo bím yébomdope bito; bíkke ale rumkílo atí takamem meto.

⁷Mér takam emlang gooru kídíem, delokke aríklo yéna simon kídíem,

⁸taleng telok yopna pettang kídíem delokke asilokke enguem, siyéng asilo yéna takamem bíkke rumkílo meto.

⁹E RUUTUM, ngoluke Ruutum tani amoso edítko nokke amíne bottedun!