Read Alladian MIRILUNGGU 90 Bible Online

MIRILUNGGU 90 - Alladian bible

MIRILUNGGU 90

¹RUUTUM no siirum siirum loope ngoluke dungkenge.

²Nokke dííte moopangem pímang adape, demangkom tani amonge duumang adape no duuyarna Shédíe, delokke turyarna Shédíe.

³No tanie kape ituadí dekepe imotoku; no bím kédépe imodungku.

⁴Éjar dítag dekom nokkepe longe lootel kísa, de gíruk kabona meloke longe kísa, yoh atel gonta kísa.

⁵No puumu kísape ngolum yunyok bomdung; dekede immang akampage, ngolu roem amum sangkuna ííng kísa,

⁶de saala appun pundo. Delokrongem adengem sanla sidoku.

⁷Ngolum nokke aklílok ménnyokto. Nokke marlílok ngolum ingato.

⁸Ngoluke paabem no nokke keralo meto, ngoluke isupsunam paabem no nokke kangkolo lokanto.

⁹Ngoluke yéname nokke marlílok lootuto. Ngoluke dítage ngasang letellok gíkai.

¹⁰Takying kíníd petomko ngoluke turpename, ngolu edíímílo takying píínyiko; depe idolate si yénam tabung si adír asong mílíe; turname menang asak gíkai, ngolu yéyintobong.

¹¹Séko nokke marlíng saktígem ankítune? Nokke mardulok ingkona pesoname lenyédí dem séko kéndune?

¹²Ngoluke yéname edítko andedun ngolum poyiltola, delomin ngolu kényéne.

¹³Edítko nokke marname duutíyéne? E RUUTUM, nokke béérangem ayatola!

¹⁴Rodíke ngolum ooyimana ayanglok ngiitoika, delomin ngolu miri lula ngoluke yénam takamlo ashéyéne.

¹⁵Edítko ngolum kenomola adírem bitodí, dekenako supak ngolum ashéngem bika.

¹⁶Nokke béérang kídíem nokke ralnam agérem kaamoika; ngoluke otíng oyinem nokke angun ralnamem kaamoika.

¹⁷E RUUTUM ngoluke Shédía, nokke ayang igule ngolukíng duulangka. Ngoluke agér inam takamlo ipíínamem bika!