Read Alladian NGIITOM SIRUNG 21 Bible Online

NGIITOM SIRUNG 21 - Alladian bible

NGIITOM SIRUNG 21

¹Roja lokke mííyi míísangem RUUTUM bí sibok asiem palíknam kísape ipoope ruulíkdung.

²Nokke inam atí takam dem ijiidung emla míísulado, idakkom kénsu langka RUUTUM bí nokke míídongem kaamín gedung.

³Ainem delokke tetenem ilangka; de iyyi bídlíknam ipak empemílo RUUTUM me bojéyape ashéng modung.

⁴Mirul ami kídí dem menam yadnam adum ale ikum bomdung, dekede paab abíle.

⁵Aipakpe míírung sulangka, delo no bojépe kayé; no líklík saksak imílo, edílokom míngkampe paamayé.

⁶Nokke paabang mangkolok paanamde nyokgor yéku, idola siname anínlo píímangadape depe iyé.

⁷Mirul amikídíde buluke díínam monam agérlo nyoklíkdoku; bulu aina atíem ilíímang.

⁸Imemna amikídíe berulok gídung; dengomne ainem idung.

⁹Ekum aralo kaníína méngem duubo supemílo, míílong teyolo dunggenamde aiyado.

¹⁰Mirul amikídíe agínpe atímanem míítí bomdung; bulu sékomete mesammang.

¹¹Edílo lukaanem ingééyédí, delo míngíímana taniekom kaarít sudung. Gyankane bím luyilnamlok kényil sudung.

¹²Aang gejiina Shédí bí, mirul ekumlo kape idudí dem kéndung, delokke bí mirul amiem nyokmoyé.

¹³No aatí opanke kapnamem tatbimape imílo, nokke agíke kabbisunam emkom tatbimayé.

¹⁴Akone nom marlíng bomyémílo, bisupnam amande bím remak moyéku.

¹⁵Edílo tetengem idudí, aina amie ashédung, idakkom atímana amikídíe mínga sudope idung.

¹⁶Aina aapí aang lokke mootengkuna dem siname toyadung.

¹⁷Kanam remnampe yéla, onggur apong tííla, mirem dotkéem dokolok no mirem lamayé.

¹⁸Mirul amikídíe aina ami kídíem adír iketpe ikolok agílo iket sudung.

¹⁹Lutí géétína méngem duutí bosupemílo mooruk amolo duunyok genamde aiyado.

²⁰Gyankana amikídíe kanam remnampe yédung, idakkom atí kénmana amikídíe murkongem paayém menang asak pitdung.

²¹Ayalangka, delokke tetepe yélangka, delo no turteyé; amie nom mínggeyé, delokke kampope ibosuyé.

²²Mimak ruutum midorde ralnarung ami kídílok doolungem langkamdo, delokke míídíínam yapguemte bénpakdo.

²³No ebínla yélímamílo, no ingkuem podudí dem ansula polangka.

²⁴Bottepe míísuna amiko ngom lengkantola, delokke ngo nom adum alena, míngkímsuna delokke ayamana amiko lengkanyé.

²⁵Loobakla agér ilíímana amide agíem petsudung.

²⁶Bíkke míínam tabudem, bí kaduamang emla míídung. Depe idokom aang gejiina amide bidarpe bisulado.

²⁷RUUTUM bí atímana ami kídíke sobo amanem míímang, apekrupe bulu aimana aapí gedola imílo.

²⁸Mena yadnake dooying lubinamdem arope míímang, idakkom takamem mííyinsula ponamdem toríksudung.

²⁹Aang gejiina amikídíde berokdung; loorímana ami kídíde agíe airuna kísape irudung.

³⁰Tanike gyan, kénnam, aapí kangkén, dekede RUUTUM bí nom akdumílo atí igulmayé.

³¹No guré kídarem mimak legape iruulado, idakkom RUUTUM bímin ikum modune.