Read Alladian NGIITOM SIRUNG 29 Bible Online

NGIITOM SIRUNG 29 - Alladian bible

NGIITOM SIRUNG 29

¹No lujon ijonnamem tatmape eda tetemílo, longerung konem no nyokyé, delokke edílote gerep langkumayé.

²Aang gejiina ruutumko ngom lengkantola, delo ngo nom ashéna amiko lengkanyé. Ngom migana ruutumko lengkantola, delo ngo nom adír asongna amiko lengkanyé.

³No gyanem erbommílo, nok abue nom mííyumsuyé. Notii rasénglo abalem pityin sunamde mide yao agére.

⁴Roje tetelok ankí yémílo opínde edííyé, igeyéla bí murkolo ankíyémílo, bí bíkke amongem nyokmoyé.

⁵No nokke angongem koyitla luuk pouknamde, no agíem batkosupe emla etku gosudung.

⁶Atímana amikídíe agí paablo batkosudung, idola tetena amikídíe ashédung, delokke yéngampe yédung.

⁷Aina amie opan kídíke yégíísuem kénbidung, idakkom mirul amikídíe sikena atí-siríem kénbimang.

⁸Amiem míngge saggemana kídarde taon tabungem ebín moladung, kénna kídíde atí kídíem remak moladungku.

⁹Edílo kénna amie mide somoem kebang ibomyédí, mide somode ngilkíyé, delokke bottepe luyé.

¹⁰Yilum tíílína amie tetena amiem nedo, idola aang gejiina amide sikena amiem aipe mosiidung.

¹¹Atí kénmana amide aklíngem lengkan susémdung, idola kénsuna amie asoope jémgedung.

¹²Among ruutume menam pokulo arope tatbimílo, bíkke rumkíng migom takam dete menape iyé.

¹³Opan amidelang bím iréénade sim akam bosudung: bínyim annyipagem ruutum bí kaanana amigem bitung.

¹⁴Rojade opanke legangem aabosumílo, bí oolko ruutumpe yéboyé.

¹⁵Lusi lumonam delang ijonnamde ome-oo kídíke ainam legape idung. Oo de agíke yégílok yésumílo, bí agí anem annying sumoyé.

¹⁶Edílo atímana amikídíe ruutumpe yédudí, pyoonam moname bojédo. Idakkom yéjina ami kídíe buluke nyoknamem kaayé.

¹⁷Nokke uem ijonlangka, delo no bím agínpe mííyumsuyé, nom annyingnam kamomayé.

¹⁸Shédíke ngiitomlok yémana opínde ayon kamape yéne. Shédíke ayonem bomna amide gérne.

¹⁹No béérangem agom pelok lujonmayé. Bí tatkénlado, idakkom tatgap bimayé.

²⁰Míngíímape agom pona ami akon empemílo, atí kénmana midede míínam suname kayadung.

²¹Nokke béérangem koo lokkekai bíkke míínamem bimílo, longeko nokke bomnam takamem bí langkamyé.

²²Mikírna amide pityang suséng lerínge.

²³Adum alenamde nom inyokdung, idakkom no remelmílo, nom mínggeyé.

²⁴Doppyona lokke yébosunamde bíkke miru kereyalume. Kebang gooralo bí aroem pomílo bím ingééyé, delokke aroem lumamílo Shédí bí bím bééyé.

²⁵Abíde nom kape míídudí dem nokke ankínamde pesoname, idola no RUUTUM me míídasumílo no edíípe duuyé.

²⁶Mipil miyong yégebone ashépe míínamdem matadung, idola RUUTUM kelok no jonnamem paayé.

²⁷Aang gejiine mirul amiem belumdung, delokke mirule, yéjinem kangkidung.