Read Alladian NGIILU TUUNA 11 Bible Online

NGIILU TUUNA 11 - Alladian bible

NGIILU TUUNA 11

¹Nokke abaleme mibo amonglo agérlo ilík langka, depe imílo angkupena longelo bojépe agér biyéku.

²Tani amongso ingkona longelo kompal ríksu madíe iyédí dem no kénsumang. Depeila nok ato-siroem paapek paado kupe angu-angu amonglo bojépe ilík langka.

³Esinge ingkodan pedí oletyéne delo dooyar líkdung. Doomuge biisam along yéme pedonge odo.

⁴No asarem dooya yatíla, doomugem toya-yatíla iyémílo, no atí lepete lelamayé, delokke gatpete gatlamayé.

⁵Kapekísa no asar gítíngem kénmadí, demangkom kape kísadí ane akiilo kooem gelen dune, dekeme kénmadí, delok kísa takamem pílen-rulenna Shédíke agérem no kénpíng mayé.

⁶No yumem lang roeme lelangka, kapeila amí kídíde aipe takame garyédí garmayédí, demangkom moodí akonlo lenamedí akonem apekyape aiyayéne, dekeme no kaalu sumang.

⁷Longe angunlo yénamsi yépodung.

⁸Dítak mipíem nokke turla yénam legape ashélangka, kapeila nokke kaamo longede sapkén yimanam longepe iyé. Angkupena ato-siro tabungde loorímane.

⁹E mimum-yaamé kídía, noluke siisa dungem mimum-yaamé ashéngem sélangka. Noluke agí míínampe yénam-daknamem itoka. Noluke aapí míngkorpe, amig kangkorpe itoka. Idola mínggelangka, noluke inam-hanam takamdem longeko Shédí bí kebang lubomyéku.

¹⁰Ingkuemteng nom míídír, delokke kimodope iko sumapeka. No mimum-yaamépe iyarmayé.