Read Alladian SOLOMONKE MIRIE 4 Bible Online

SOLOMONKE MIRIE 4 - Alladian bible

SOLOMONKE MIRIE 4

¹E ngok ayaname, no edítko kampodun. Nokke gasor tuulum suko aralok, nok ayang amigde edítko asir lendun. Gilead díítum lok, edílo mér kídíe duktokla iyédí, delo buluke amíde murkup-murlat sunam kísa, nokke dumíd kídíde idung.

²Yasina mérem arbínla tubbínla iyém, punna kísa nok iipang kídí deteng, yagorupe pundung. Dekede atel kokom puuna kamang, takamde kamporupe duuyindung.

³Nok nabbélde kampona gasor yalína kísa, nok lupoyém de edítko kampodun. Tuulup sunam gasor aradelok, nok mopumde punlendung.

⁴Nok alíngde pírílla remella, Dabidke líísak ekum píonnam kísadung, delokke delo tulík sunam lunggu deteng, éjarna tamkungem tugong sunam kísa idung.

⁵Nok anyun annyide, lili appun aralo dogola, yépum suna dumsung annyi kísa idung.

⁶Roh asare mudanla, kaamue nyokma tetedem, arí kana mir díítumlo, ngo duuyé.

⁷E ngokke mííbosula ayabosunam, no edítko kamporudun!

⁸Ngokke mimepe ipenano, Lebanon Dííte lok ngokkíng aamín getokula; Lebanonlok ngokkíng aatola. Myomur kídíe lang takar simyoe dungko, Amana Díítum ponyuklok, delokke Senir Díítum loklang Hermon Díítum lok oitokula.

⁹Ngokke mimepe ipena, ngokke mííbosunam, nokke lunggu genamem kaala, nokke amigdem kaarongem, no ngok aapí-aangem puyukto.

¹⁰Ngok mimepe ipenano, ngokke míírík sunam no, nokke ngom míínamde ngome ashémodung. Apongem pemílo nokke ayangde aiyadung, nokke arí nampode, nampona ato-siro tabungem, pemílo gaiyane.

¹¹Ngok ayanam nok nabbél delo, ngullange kadung. Nok ayode ngok legape gakíre delokke ngullange. Nok ege-galukde, Lebanonlo nampona aríkana, neyi-neyang kísane.

¹²Ngokke mííbasunam bí, amike kénmanam, appun punna, neyi-neyang kana, delokke asi sirung kana língkumpe, kumgoonam moolop kísane.

¹³Delo gairuna ayé ééna, dalim esing kísape, neyi-neyang kídíe gardung. Delo henna, delokke nard neyang kusérénge alum-asamang.

¹⁴Delo agor, siri-pori, sondon esinge, delokke nampona, arí kana nesi-neyang, tabunge garyindung. Sike sokke teyolote aríe, yagorupe unggoona, mir elang aloes esinge gardung.

¹⁵Rumlenna sirung asie, deme eebomdung, Delokke Lebanon díítelok korong tokne, deme asi bidung.

¹⁶E Línggíng Asare, darngo sutola, Sokko Asare, ngokke baaridem, nampona aríe bííbomdope mullangka. Ngokke mííbosuname baaridelo aala, aang píípe, gairuna siipí-siiyém dodak langka.