Read Alladian SOLOMONKE MIRIE 7 Bible Online

SOLOMONKE MIRIE 7 - Alladian bible

SOLOMONKE MIRIE 7

¹E roja omeke ome no, nokke korom leyug gena ale annyide edítko kampodun! Mistri lokke kamporupe monam kísa, nok alede lunggu kísape idung.

²Nokke kiinyode edílote oyimana, gairuna apongpe biitína, pírílna bati kísa, nokke ugídem lili appune, gargo bomnam gehu utsuk kísa idung.

³Nokke anyun annyide, opum sunam dumsung annyi kísa idung.

⁴Nokke alíngde sita iipanglok monam, ekum kísa. Nokke amig annyide, Bath Rabbim yabgo aralo duuna, Heshbon doolung lokke asi paatang kísa idung. Nokke nyobungde, Damaskaspe dungkasuna, Lebanon lokke kampona ekum kísa idung.

⁵Nokke dumpongde asirla kampona, Karmel dííte kísa idung. Nokke dumídde, asirla, gémuk morípe ila, rojemteng kangek sumodung.

⁶Edítko no kamporunako, edítko no moyékrunamko; nokke ayangde edítko apíng alongdun.

⁷Nokke amíllok oojom bodongde, kejur esing kísa, nokke anyunde kejur ayé bína appun kísa.

⁸Ngo kejur esing delo resaala ayém pílyé. Nokke anyunde onggur ayé apum kísa idaklangka, nokke amíl aríde, apél ayé arí kísa idaklangka.

⁹Delokke nokke nappang aríde, tííporuna onggur alang arí kísa idaklangka. Dekemílo de onggur alangde, ngokke mííbosunam kíng jonnampe bingala, bíkke iipang-nappang loope, biilík dakyika.

¹⁰Ngo ngokke mííbosunamke ateksue, delokke bíkke erbomnamde ngokkepe idung.

¹¹E ngok mííbosunam, kaju ngonyi arík kídílo gíla, yoeme doolung kídílo duubo sulaju.

¹²Kaju ngonyi rokompe, onggur baarilo gíla, onggur ane kídíde ardala, appun punlen kaadí, delokke dalimete punkadí, dekeme kangkolo gílaju. Delo ngo ngok ayangem nom bisuyé.

¹³No mandrek aríem namdung, delokke aku-anípe dopo-tíípona ato-siroe, ngonyike baalelo kadung. Dem takam deme, ngok mííbosunam, nok legape ngo mebitung.