Read Alladian ISAIAH 12 Bible Online

ISAIAH 12 - Alladian bible

ISAIAH 12

¹Delo longe delo no yidge miriem luyé: “E RUUTUM, nom ngo yidgedung. No ngok teyolo aklítuakom, nok marname gíyinla, ngome ngiidungku.

²“Aropakpe Shédímin, ngokke turname; ngo peso kamape, bím míngke suyaryé. Kapeila RUUTUM Shédíbí ngokke ralname lang mirisue, delokke bí ngome turmonape ikai.”

³Depeila turmona asi sirunglok Ashéla, no asiem kaayé.

⁴Delo longe delo no emyé: “RUUTUM me yidgelangka, bík amínem goglangka; bíkke agér inam tabungem opín-buang tabulo lukan golangka, delokke bík amíne kedon runako emla kényin molangka.

⁵“RUUTUM kíng miri lulangka, kapeila bí angun-abéna ato kídíem ito; sime tani amongem kénmo langka.

⁶E Jayonlo duuna kídía! Ashéla gogtoola miri lulangka, kapeila Israelke Deena Shédíbí botterune, delokke bí noluke pénsamlo yémín gedung.”