Read Alladian ISAIAH 20 Bible Online

ISAIAH 20 - Alladian bible

ISAIAH 20

¹Assiria roja Sargonke lulíglok, Assiria maglíng lokke ruutum yalumde mimak iala, Philistain lokke Ashdod doolungem aabomto.

²Depe ido delo Amojke oo Isaiah kíng RUUTUMke agome pííto. RUUTUM bí Isaiah me poto, “Nokke amíllo ankí gasor genam demla korom leyug dem ibín sulangka.” Depe lukolok bí dekedem ipaksula amíl araa pelang leraape yégoto.

³Delo RUUTUM bí poto, “Ijiptke lang Sudanke aapena longelo ipenamem irisinyo iyodpe Isaiah bí leraa pelang amíl araape dítak angum kokai yéto.

⁴Delok kísape, Ijiptke annying runampe, Ijipt ami emlang Sudan amiem, mine-koo ulpan sumape, leraa pelang amíl araape, koopumem kaayindope Assiria roje abílpe umla bomyéku.

⁵Séko bulu Ijipt emla Sudanem míídasula, mííte sutodí, bulu pesola annyingyé.

⁶Delo longe delo siyéng asi robelo duuna ami kídíe, ‘Assiria rojalok ipítdope dugalíkko, delokke iguldope ngoluke míída sulíkko ami kídí si kape ikanei? Kape kísai ngolu ipí sulayéne?’ emla adír rupe lubosuyé.”