Read Alladian ISAIAH 34 Bible Online

ISAIAH 34 - Alladian bible

ISAIAH 34

¹Opín-buang daadi takamke ami kídí, anínso dumsula tatgap langka. Tani among, delokke so duuna mipil miyongpe tabunge anínso aadum suyinla tatlangka.

²RUUTUM bí opín takamlo, delokke buluke maglíng kídí takamlo mardung. Bí bulum takam petpakyé.

³Buluke simang kídíem doojé-dooyé mola, yaala namsiyé, delokke dííte kídíete buluke iyyi lok lííyé.

⁴Ereena tapang ayé kape kísa ane lok oletdudí, onggur anne kape kísa sanla anelok oletdudí, delok kísape taleng telokke takar kídíe nyokyéku, delokke epu tídnam kísa taleng tesim tídlang kula, telo ato-siro dakna takame olet letyinyé.

⁵Teyong among telo ngokke yokseme píratla, de ngokke nyokyin dope kebang lunam Edom amilo olík bomyé.

⁶Ipak ikolo pakanam, mér, sobén kídíke una, delokke iyyi kísape RUUTUM ke yoksa delo une lang iyyie daklum líkyé. Sikena ipak agérem Bojrah doolunglo RUUTUM bí iyé, delokke Edomlo botterupe paka-níkke kayé.

⁷Buluke sikolo moonam goorue lang ruoe, delokke bottena rubo kídíete simín gela kédénge iyyi pelang unape iyinyé.

⁸Kapeila de longe de Jayon ke legape edo radíku longe, delokke miru kídíem itung-iréla iyan sudíku dítage.

⁹Edom among lokke korong kídíe meyope ila, Edomke deemul kídíete eme gunam lok yalíla, among takamde eme meyope dorsayé.

¹⁰De longe-yohpe gutíla, delokke míkkíe uudan tete saayé. Siirum siirum loope ato agér kaimana amongpe ila, séko kom delo gína kaimayé.

¹¹Paak ela pettune delo asup suplíkla yégo yéku. Delo among delo Shédíbí akén-ayén yimanam asi-asarem ruulíkla, rukkuna amongpe imoyé.

¹²Bíkke roje nyokla, banggo ruutum kídarke among yéta tobom penam kaimayé.

¹³Tang gena esing, géényak tang, kopíe, delokke abíd tang kana ríyonge among deme bukmya langkula, doolung ekum daadiloope garbom langkula ménsurung yépom pelang pettun dungkepe iyéku.

¹⁴Moonamlo yéna simon-silie delo yégo langkula, sipyang kídíe duggola yoem yégona ato-siroe, buluke apééla ipompe iyéku.

¹⁵Pettune delo asup supla apí pílíkla, gubbomla ome-uem mine mola ikepe iyéku. Delokke mísung kídíete angong mata bosula yéyé.

¹⁶RUUTUMke kitaplo matala porilangka. Dekena monkír-tangkíre atel kokom kamape imayé. Tabunge pumsupe kayinyé. Kapeila RUUTUM min dekeme lulígtone, delokke bíkke Aide min tabungem gooyin aayéne.

¹⁷RUUTUM bí bulu takamke yépekuem ruupan subila, moolop em kípan subiyé. Delo bulu siirum siirum loope yébomla agínpe yéyar bomyé.