Read Alladian LEBITIKA 6 Bible Online

LEBITIKA 6 - Alladian bible

LEBITIKA 6

¹RUUTUM bí Mosime poto:

²“Amikone agíke kumrí lokke kaasi-tadsi bidope melíkponam ato-siro teyolo bilat kumape ila demangkom bíkke lok pyoola demangkom bím yatla,

³demangkom menampe pésugola demangkom ami kídí iyape sikena paab kídíem ila RUUTUM ke keralo paab iyédí,

⁴bíkke sikepe paab ikolok bí imemkai, depeila bíkke pyoonam dem demangkom yatgoola laanamdem demangkom kaasi-tadsi bidope inamem rumnyoknamdem demangkom pangkunam ato teyolo yatnamdem,

⁵demangkom bíkke menam kootírpe pésubomnam dem bí dorkupe aiyé. Bí apíípe dordo langkula adu pilngoke adukonem dortem líkla bíkke imem legape ajéng dordíku longe delo, ato takamem doryin bikupe aido.

⁶Bíkke ajéngpe bí miri kera delo emnamde, RUUTUM kelo atí tarí-tape kamana, kebang tolíknampe are ina mérko bomape aido.

⁷Delo miri oode ami delokke paab legape mér aman dem ipakpe ibila delo bím mesam biyé.”

⁸RUUTUM bí Mosime poto:

⁹“Aaron melang bík oo kídíem sim romnam aman ayon kídísim ige dope lulígnam sim polangka: Romnam aman dem runggu delo yoh rubungem metíla roh lope melangka, delokke eme dem runggu delo írtí molangka.

¹⁰Delo miri oode kampona enno lok sumnam kampona arangke galuk demlang lukdor dem gela runggu delo duuna metbu kídíem ibínla runggu ampe delo mekumpe aiyé.

¹¹Depe irodem bí miri ege kídíem bítsula, abíd egeme gelangkula metbu kídídem joobínla notko lokke luyu deengko moolop delo melígpe aido.

¹²Runggu delokke emedem írtí moperung aiyé, delokke mitmo mapeka. Rodípe miríe runggu delo esing joolíkla romnam aman eme ilíkla, ashéng aman lokke una kídíem romlíkpe aiyé.

¹³Dekepe runggu delo eme dem írtímope aiyé delokke edílote mitmope aimang.”

¹⁴“Sikesi ali-ayé aman bikolo bidonge: Aaronke miri oo kídar de dekeme runggu keralo bomape aiyé.

¹⁵Miride lakpyo tetengko ettíng emlang télem delokke nampona atoem laala RUUTUM kíng amanem bito emla rínggenape, runggu delo romlangka. Aman kídí sokke aríe RUUTUM me ashéng modung.

¹⁶Aaron lang bík oo kídíde abídem dope aido, idola deme siiyé líkmape deena alop kolo dope aido. Bulu RUUTUM ke Tombu lokke gíídalo dope aido.

¹⁷Dekelo siiyé líkyél sumapeka. Ngo deme buluke tarope romnam aman lok idope bulum ruupek lenbiname. Paab aman kísa pelang imem aman kísape de deena runge.

¹⁸Aaron kíng lenna milokong oode dolado. Si siirum tabung loope Aaron ke otíng-oyin kídí lokke agínpe paayar supenam romnam aman lokke oreksue. Deme ukkína takamde deeyé.”

¹⁹RUUTUMbí Mosime poto,

²⁰“Aaron lang bík oo kídíde, bulum miyongem kumlíkla pídédí longe delo bulu miyoope RUUTUM ke keralo amanpe kilogram atelko ettínglok (emnamde loodípe ali-ayé aman romkolo bikampe,) aké konem roem, delokke aké konem yumem bomala bilangka.

²¹Deme téllo iyélsula towalo pamla, airupe sobí-soyél sula, ali-ayé amanpe romlangka. Delokke arídem RUUTUM bí nampope namdung.

²²Aaronke oo aralo sékodí bíkke írnepe irongem igeyédí, bí dekedem irung sarungpe aido. Si RUUTUM ke paayar supenam adusue; depeila deme aipakpe gukutmope aido.

²³Miri lokke ali-ayé aman ipagem gukutmope aido delokke deme edílote domapeka.”

²⁴RUUTUMbí Mosime poto,

²⁵“Aaron melang bík oo kídíem polangka: Sikesi paab aman lokke idong kídíe; paab amanke tarong deme romnam aman lokke taroem pakako, runggu lokke línggíng danlo pakalangka. Si deenarung amane.

²⁶Sime ipak ibona miride dope aido. Sime RUUTUM ke Tombu gíídang lok deena moolop delo dope aido.

²⁷Íngko íngkuedí delokke adínem itetyéne, de deenape iyé, delokke taro lokke iyyie ege kolo ikat yémílo, deme deena mooloplo etbín kupe aiyé.

²⁸Adínem rangkeng kiilíng peking dem betmíkpe aiyé, delokke arem peking kolo raanayémílo deme aipakpe ratbín langkula asilok tonbín kupe aido.

²⁹Sim aman sim miri erang lokke milokong kone dolado, kapeila si deenarunge.

³⁰Idola íngkona paab aman lokke iyyiemdí RUUTUM ke Tombulo bomala ipít mokunana legape idudín, delok adín deme domapeka, deme rompakpe aiyé.”