Read Alladian JEREMIAH 45 Bible Online

JEREMIAH 45 - Alladian bible

JEREMIAH 45

¹Josiah rojake oo Judah lokke roja Jehoiakim ke rojape dítak appinape iduem, Jeremiah ke agom ponam kídí takamem Barukhme políkla bí tídbumnam kitab kolo atyin líkto. Delo Barukh me Jeremiah bí sipe poto,

²“RUUTUM Israelke Shédíbí nome sipe podung: ‘Barukh no sipe podung,

³“RUUTUM bí ngokke adírko teyolo ankí-kenoem bojéyadope item líkkai. Ngo yagorupe adírla ralnam kaimang, delokke atí apéé paamang.”

⁴Idola RUUTUM ngo sipe podung: Ngokke morepnam dem atpakyéku. Ngokke lelík namdem busan yéku. Among tabungso dekepe ngo igooyéku.

⁵Sikena aralo no gairuna atíko nokke supe matadunía? No matamapeka. Asi-amoso ngo botteruna sipe-nyokpenam ankí-kenoem bomadak! Idola no ingko-ingkolo magooyédí, nokke yénamem yépísuyé. Sikepe RUUTUM ngo polendung.’ ”