Read Alladian ANKÍ MIRI 5 Bible Online

ANKÍ MIRI 5 - Alladian bible

ANKÍ MIRI 5

¹E RUUTUM, ngolum míípa sulangkuka. Nokke ayang luyulo ngoluk yénamem, ngoluke atung-aréépe yéla duug paanamem, no ayang kaapang sudak yikuka.

²Ngoluke ekuserang takamem, ngoluke dungko-dakko tabungem, mibo-miyinge yéyin bomkai.

³Ngolu abu sinyonam ome-oope ila, ngoluk ane kídíete meyéngpe iyinkai.

⁴Ngoluke tíípenam asiem resupe aikai, are bila esing ééng emte rekupe ikaku.

⁵Mirue ngoluke méélamlo montímínla, ngolu adung-apééye ilate apéé peko kamang.

⁶Donam-tíínam legape, Ijipt lolang Assirialo, ngolu rogu gongkai.

⁷Ngoluke abu kídíe paab ila kaimang, buluke ajéngem ngolu supak gedungku.

⁸Abíl-adel kídíe ngolum yébo langkula, bulu kelok ngolum mopítna kamang.

⁹Ami mokagoone, moonamlo yétígoola, ngoluke yénamem alag so bomsula, ngolu donam matadung.

¹⁰Kenolok ngolu kinampe guyamla, ngoluke asig-ayoe dama ugna kísa yalíngkai.

¹¹Jayon doolung solang Judah amonglo, mime kídíem ipusiléé along bomkai.

¹²Miro kídíem atí-sirí kopete mííyimape, ruutum kídíem paksulla ibomkai.

¹³Yaamé kídíem petu-sapa kétpomlo, abíl kísa kétmola, koo kídíe tebegna esingem gela ankasukai.

¹⁴Doolung miro kídíe kebang ipomlo duuyimang, delokke mimum-yaamé kídíe, miri tapung iyimang.

¹⁵Ashéngde ngoluk aapílok nyokkai, ngoluk miri monamde kapnam-ríínampe ikaku.

¹⁶Ngoluke míngkím subomnam ato kaimang, ngolu paab ila, nyokkuna amipe ikai.

¹⁷Sikesok legape ngolu aang kikai, delokke ngoluk amige mikmol lenkai.

¹⁸Kapeila Jayon Díítum bí rongngamkai, delokke ménsurunge yébomkaku.

¹⁹E RUUTUM, no agínpe roja done, siirum-siirum lope nokke roja dobomname duuyardung.

²⁰No kapei ngolum mitpan sukane? Siddína longem kape no ngolum mepak sukane?

²¹E RUUTUM, ngolu aalat sudokupe, no ngolum mopít langkuka. Gíkana aku longe lokke angun-abéem, ngolukíng ruulík bilangkuka.

²²Demangkom no ngolum mepak ayar kanía? Nokke marlíngde, marríko kamayénía?