Read Alladian EJEKIEL 2 Bible Online

EJEKIEL 2 - Alladian bible

EJEKIEL 2

¹Delo ngo adudko, “Tanike ue, gerepto, ngo nom luposupe míídung,” emdope tatto.

²Bíkke podungem, Shédíke Aide ngokkíng aalíkla, ngome dagrepmoto, delo ngo sikepe podope tattoku,

³“Tanike ue, ngo nom Israel lok ami pénsamlo melíkdung. Bulu buluke neku-buku kísape ngome míípésula, ngok mirupe ito, delokke supakteng mirupe idung.

⁴Bulu mikép aloola ngome mínggemang, dekepe ila ngo Ruutum Shédí, ngokke bulum pope míínamem podope nom melíkdung.

⁵Ngom mirupe ina kídí esi tatlai-tatmalai, bulu, buluke pénsamlo kaalu-kangornako kadung emla kényé.”

⁶“Idola, tanike oo no, bulum delokke buluke ponam kídíem pesogepe aimang. Bulu nome mankísula, torík sumayé. Delokke de turna képkong pénsamlo duunam kísayé. Depe idokom bulum, delokke buluke lunam kídídem peso gemapeka.

⁷Bulu tatlai-tatmalai, ngokke bulum podope políknamem no bulum polangka. Buluke mirupe inamem míngge langka.”

⁸“Tanike ue, ngok ponamem tatgap langka. Buluke kísape mirolpe imapeka. Nappangem kokala, ngokke nom bipenam sim dolangka.”

⁹Ngo tídbumnam kitabko bomna alagko ngokkíngdan ígadope kaato.

¹⁰Alagde tídbumnam kitabdem taayato, delo annyidan delokai duk-adír, kapnam-ríínam, delo míídír agom mílíeke atname kado.