Read Alladian EJEKIEL 3 Bible Online

EJEKIEL 3 - Alladian bible

EJEKIEL 3

¹Shédí bí pokai, “Tanike ue, sim tídbumnam kitab sim doto, delokke gíla Israel lok ami kídíem potoka.”

²Depeila, ngo nappangem kokato, delo bí ngome tídbumnam kitabdem dodope bito.

³Bí pokai, “Tanike ue, ngok tídbumnam kitab binam sim dola sok nokke akiiem dobí sutola.” Ngo dem doto, delo de tangut atii kísa tiiname ido.

⁴Delo Shédí bí pokai, “Tanike ue, Israel ami kídílo gíla, ngokke nom podope políknam kídí takamdem bulum potoka.

⁵Ngo nom tatkén madope agom pona mibo agom ponakolo melíkmang, idola Israel kídílomin melíkdune.

⁶Ngo nom, nokke tatkén manam agom pona bottena mibo amonglo melík tuamílo, bulu nokke agomem tatyai.

⁷Idola, Israel ami atel koteng nokke ponamem tatlímayé; bulu ngokke ponam emteng tatmayé. Bulu takame miképpe ila kénkí suyindung.

⁸Supak ngo nom buluke miképnam kísa pelang aapí élgap kísanam kísape imoyé.

⁹Ngo nom elíng kísa pelang daimon kísape tolmoyé, mirol kídar esime pesomapeka.”

¹⁰“Ngokke nom políknam sim airupe tatgap langka, delokke míngge langka.

¹¹Delokrongem gíla Babilon so bíkkíng lekope umnyokla bomnam ami kídílo, Shédí kelok agomko bulukepe kadung emla polangka. Sime bulu tatlai tatmalai, no polangka.”

¹²Delo Shédíke Aide ngom bomonla, ngo ngok méélamdanlo ngírdud botterunako, “Teyong among telo RUUTUM ke angun abéem ríngge langka,” emdope tatto.

¹³Ngo Sérubim kídí delokke alap yopdudem taron tondud kísape tatto.

¹⁴RUUTUM ke pauare ngokkíng ralnamruupe aalíkla, ngome bíkke Aide gíbodakkuem ngo aklíng bulínge ito.

¹⁵Dekepeila ngo umnyoknam kídíke dungko Kebar korong abelo duuna Tel Abib among delo aalangkula, longe kínídko delo duula, ngokke kaanam delo tatnam kídíem míítíla duuto.

¹⁶Longe kínídde gírongem, RUUTUM bí ngom potoku.

¹⁷“Tanike ue, ngo nom Israel opínem kaabomnape imodung. Ngokke lutornam agom kídí sim no bulum pobilangka.

¹⁸Ngo deemana amikonem siyé emla pokantumílo, idola no bím bíkke yénamem míísi-míímosula yédokupe lutor bimape imílo, bí deemanape ila siyé, delokke ngo bík sinam edoem nokkíng tolíkyé.

¹⁹No deemana amikonem lutor lateng bí paablo itíyémílo, bí deemanape ila siyé, idola nok turnamem ipítsuyé.

²⁰“Airuna amikone deemana agér ilenkolok, ngo bím pesorunam moodí kolo melíkyém, no bím lutor mamílo, bí siyé. Bí bíkke paab imem kolok siyé, delokke ngo bíkke aina agér inam kídíem míípang suyimayé, delokke ngo bík sinam edoem nokkíng tolíkyé.

²¹No aina amikonem deemana agér imadope lutor kolok, bí nok ponamem tatla paab imamílo bí turla duuyé, delokke nok turnam emteng ipítsuyé.”

²²Ngo RUUTUM ke ralnamruupe duumín genamem anpaasuto, delokke bím sipe podope ngo tatto, “Gerepla yiibe elo gílen langka. Elo ngo nom luposuyé.”

²³Dekepe ila ngo yiibe delo gílento, delokke Kebar korong robenglo kaanam pakpe, RUUTUM ke angun-abéem ngo delo kaato. Ngo migmoe among danpe ila gubaato,

²⁴idola Shédíke Aide ngokkíng aalíkla ngome dagrepmoto. RUUTUM bí ngom poto, “Ekumlo gílangkula agíem ekumlo sittumsula duulangka.

²⁵Tanike oo nome sotkyalok rínyé, delokke no ami keralo gílen goolamayé.

²⁶Ngo nokke ayoem simola, no sim mirol ami kídí sim lutor lamayé.

²⁷Delo ngo nome agom polangkula, agom pola dokupe ralnam birongkuem, Ruutum Shédí ngokke nom ponam kídísim bulume polangka. Buluke ayokone nokke ponamem tatyé, idola ayokone tatpakyé, kapeila bulu mirol opíneke.”