Read Alladian SANNAM 2 Bible Online

SANNAM 2 - Alladian bible

SANNAM 2

¹RUUTUM bí Mosi melang Aaronme poto,

²“RUUTUMke Tombuem gekang sudola, dunggo bomla moodo gampe Israel kídíe notkoem ilangka delokke mipil miyongde agí-agíke opín-buang supe, agí-agíke jandi rumkílo notkoem ilangka.

³“Doonyi sanggo danlo Judah opínde agíke opín-buang jandi rumkílo notkoem ilangka.” Judah amike miroe Amminadabke oo Nahshon.

⁴Bíkke opín buang sandume 74,600 amiko.

⁵“Buluk kékonlo Issakhar opínde notkoem iyé.” Buluke miroe Juarke oo Nethanel,

⁶Bíkke opín-buang sandume 54,400 amiko.

⁷“Delokke kékonlo Jebulun opínde notkoem iyé.” Buluke miroe Helonke oo Eliab.

⁸Bíkke opín-buange 57,400 amiko ido.

⁹“Judah opín notko lokke ami tabude kerape gílen geyé.” Delokke takam sandume 186,400 amiko.

¹⁰“Sokkodanlo Reuben opínde agíke opín-buang jandi rumkílo notkoem iyé.” Buluke miroe Shedeurke oo Elijur.

¹¹Bíkke opín-buang sandume 46,500 amiko.

¹²“Buluke kékonlo Simeon opínde notkoem iyé.” Buluke miroe Jurishaddaike oo Shelumiel.

¹³Bíkke opín buang sandume 59,300 amiko.

¹⁴“Delokke kékonlo Gad opíne notkoem iyé.” Buluke miroe Deuel [1] ke oo Eliasaph.

¹⁵Bíkke opín-buang sandume 45,650 amiko.

¹⁶“Reuben opín notko lokke ami tabungde gírek annyinape gímín geyé.” Delokke takam sandume 151,450 amiko.

¹⁷“Delo RUUTUMke Tombu delang Lébi opínde maglíng raadang delo gíyé. Gírek miyongde agí-agíke notko dongkampe, agí-agíke gíya supe jandi rumkísulo gísuyé.”

¹⁸“Anggodanlo Ephraim opínde agíke opín-buang jandi rumkílo notkoem iyé.” Buluke miroe Ammihudke oo Elishama.

¹⁹Bíkke opín-buang sandume 40,500 amiko.

²⁰“Buluke kékonlo Manasseh opínde notkoem iyé.” Buluke miroe Pedajurke oo Gamaliel.

²¹Bíkke opín-buang sandume 32,200 amiko.

²²“Delokke kékonlo Benjamin opínde notkoem iyé.” Buluke miroe Gideonike oo Abidan.

²³Bíkke opín-buang sandume 35,400 amiko.

²⁴“Ephraim notko lokke ami tabungde gírek angumnape gímín geyé.” Delokke takam sandume 108,100 amiko.

²⁵“Línggíng danlo Dan opínde agíke opín-buang jandi rumkílo notkoem iyé.” Buluke miroe Amishaddaike oo Ahiejer.

²⁶Bíkke opín-buang sandume 62,700 amiko.

²⁷“Buluke kékonlo Asher opínde notkoem iyé.” Buluke miroe Okran ke oo Pagiel.

²⁸Bíkke opín-buang sandume 41,500 amiko.

²⁹“Delokke kékonlo Naphtali opínde notkoem iyé.” Buluke miroe Enanke oo Ahira.

³⁰Bíkke opín-buang sandume 53,400 amiko.

³¹Dan notko lokke ami tabungde gírek gíyin yalumpe gítílmín geyé. Delokke takam sandume 157,600 amiko.

³²Si takam si opín-opínpe sannam Israel maglíng kídíe. Buluke opín-buang notkope sandum suname 603,550 amiko.

³³Idola RUUTUMke Mosime pokampe Israel kídíem sandoem Lébi kídíem santak sulíkmato.

³⁴RUUTUMke Mosi kíng lulígnam pakpe Israel kídíe agí-agíke opín-buang supe, pínmík-ramík supe agí jandi rumkíng sulo notkoem ila delokke byakyémte byakla ibosuto.