Read Alladian SANNAM 20 Bible Online

SANNAM 20 - Alladian bible

SANNAM 20

¹Kerang poolo delo Israel milung tabungde yépol mooruk Jin among delo pííla Kadeshlo duuto. Delo Miriam bí sikai depeila delo bím yuto.

²Delo milung tabung legape asi kabo sumala, ami kídare Mosi melang Aaronme aklento.

³Bulu Mosime lumín sula poto, “RUUTUM ke keralo ngoluke bíro kídíke sidoem ngolute simín getuamílo airutuai.

⁴Kapeila ngolumla ngoluk taro kídíem so simodope RUUTUM ke daapong milung sim so yépol moorukso en-go bokan?

⁵Sikena reyubnam moolop so, kape no Ijipt among lok ngolum gílen bokan? So among so ali-ayé, tapang esing, onggur esing, dalim esing atí kamang. Sike sokke teyolo asi arang koteng tíípamang.”

⁶Dekedem tatrongem Mosi lang Aaron bínyi milung delok lenlang kula RUUTUM ke Tombu lamgé delo mikmoe ngemgípla dagato. Delo RUUTUM ke angun-abée bínyik keralo ngunkan lento.

⁷RUUTUM bí Mosime poto,

⁸“Banggén dem bomla nolang nok bíro Aaron nonyi milung tabungem dumsu molangka. Buluke amig kangkolo líírengdem polangka, delo líírengde bíkke asiem purlen biyé. Milung delang taro kídíe asi tíídope nonyi lííreng delok asieme laalen bilangka.”

⁹Depe polík kolok RUUTUM ke kerang delok Mosi bí banggén dem laala,

¹⁰Mosi lang Aaron bínyi Israel milung tabung dem lííreng kerang delo gídum suyin moto. Dumsu rodem Mosi bulum poto, “Mirolpe ina kídí nolu tattola, ngonyi sok lííreng sok nolum asi ilen bipía?”

¹¹Delo Mosi bí alage lengorla banggén delok lííreng delo lennyi kokai itlíkto. Delo asie purlenla milung tabung delang buluke taro kídíe asi tííto.

¹²Idola RUUTUM bí Mosi melang Aaronme luto, “Israel kídí kangkolo ngokke deenam ralnamem aroe emla yidgemape apíípe míngke suname kamanam legape, ngokke bulum among bipenam delo nonyi Israel daapong sim gíbomayé.”

¹³De asi demoko Israel kídíem RUUTUM ke marmín sula iko Meribah[8] asie delokke delomoko buluke aralo bí agísuem deenape lengkan sukue.

¹⁴Kadeshlok, Mosi bí Edomke kotokiem lulígla poto. “Ngokke Israel bíro kídíe sipe rogu sudung. Ngoluk teyolo ankí-keno adír takam aanamem no kéndung.

¹⁵Ngoluke buku-neku kídíe Ijiptlo tokla, ngolu belo deddína dítagem duuto. Belo Ijipt ami kídíe ngoluke abu kídí emla ngolume itung-iréto.

¹⁶Idola edílo ngolu RUUTUM kíng kapgu sutodí, bí ngoluk kapnamem tatla bí teyong kotokiko melígla ngolum Ijipt amolok laalen toku. Supak ngolu nokke among rísuso duuna Kadesh doolung so duudung.

¹⁷No ngolum, nok among sok gímolangka. Ngolu nokke arík gooralok demangkom, ríkséng torgong aralok gíbung-gíléla demangkom nokke déérung asikon kolok asi tíínggo bila imayé. Nokke amongem gíboomang tetengem abíd molok bedalok apé-arépe enmape, ngolu rojake bene-beponglok jonnampe ensuyé.”

¹⁸Idola Edom kídíe poyansuto, “Nolu ngoluke among sok enlang mayé, nolu depe ikímílo, ngolu nolum mimakpe aabomyé.”

¹⁹Israel kídíe poyansuto, “Ngolu bene-bepong petom lok enrísuyé delokke ngolu lang ngoluke taro kídíe noluke asiem tííbiyé mílo, ngolu ajéngem doryé. Ngolu abídyang míímang, ngolum alelok enmolangka.”

²⁰Lekoda Edom kídíe lutumtoku, “Nolu enlamayé.” Delo Edom kídíde tolnam-ralnam lengkan sula mití-maglíng sipayingem lenbola Israelem mimak ipe emla gílento.

²¹Edom kídíde buluke among lok gímomanam legape Israel kídíe angu konpe gílat sulangkula gítoku.

²²Israel lokke milung tabungde Kadeshlok gílen langkula Hor díítelo pííto.

²³Edom lokke among rísu Hor díítelo RUUTUM bí Mosi melang Aaron me poto,

²⁴“Aaron me agí amisulo langa suyéku. Ngokke Israel kídíem binam among delo bí aamayé, kapeila nonyi annyi page Meribah asilo ngok lulígem ipatsuto.”

²⁵Hor dííte telo Aaron melang bík oo Eleajar me saabotoka.

²⁶Telo Aaronke miri ege-galugem pítbínla bík oo Eleajar kelo píllík langka. Kapeila telo Aaronme agí amisulo langa langkula bí siyé.

²⁷RUUTUM ke lulíg tubupe Mosi bí ila ami milung takam kangko delo bulu Hor díítelo resa bosula gíto.

²⁸Delo Mosi bí Aaronke ege-galugem pítbínla deme bíkke oo Eleajar kelo píllíkto. Depe irodem dííte teyong delo bí sikai. Delokrongem Mosi lang Eleajar bínyi dííte delok oibosutoku.

²⁹Edílo Aaronke sinamem milung tabunge kénkadí delo Israelke opín-buade bík legape looying angum kope kapla-rííla ito.