Read Alladian SANNAM 26 Bible Online

SANNAM 26 - Alladian bible

SANNAM 26

¹Itung-iré irodem RUUTUM bí Mosime delokke miri Aaronke oo Eleajar me poto,

²“Israel kídí aralo takying annyi nalok irekla mimaklo gíbena, minepe yéna tabungem, erang-erape tabungem sanlangka.”

³Depeila Jeriko arot konke Jordan korong robengke Moab yiibelo, Miri Eleajar lang Mosi bínyi,

⁴RUUTUM ke Mosi kíng lulígnam tuubupe, “Takying annyi nalok ila mine yana ami kídíem sanlangka,” emla poto.

⁵Israelke kerang ogenam Reubenke sike si: Hanok keelok Hanok opíne. Pallu keelok Pallu opíne.

⁶Hejron keelok Hejron opíne. Karmi keelok Karmi opíne.

⁷Sikesi Reuben lokke opín-odonge. Reuben opíndem sandum sula midum 43,730 amiko kato.

⁸Palluke ue Eliab,

⁹delokke Eliabke oo kídíe: Nemuel, Dathan delokke Abiram. Si Dathan lang Abiram bínyi opín-buangke mirope ila, RUUTUM ke mirupe Korah buluke idodem Korah kíng imín gela Mosi kelang Aaronke mirolpe ine.

¹⁰Edílo Korah bulume amonge barpansula méttodí, delo bínyimte méttak suto. Bulukíng elík mínna midum 250 ami kídí emkom eme gukato. Depeila bulu lutor nana iyodpe ikai.

¹¹Idola Korahke otínge nyokyinmato.

¹²Simeonke opín-odonge: Nemuel keelok Nemuel opíne, Jamin keelok Jamin opíne, Jakin kelok Jakin opíne,

¹³Jerah keelok Jerah opíne delokke Shaul keelok Shaul opíne.

¹⁴Simeonke opín dem sandum sula 22,200 amiko kato.

¹⁵Gadke opín-odonge: Jephon keelok Jephon opíne, Haggi keelok Haggi opíne, Shunni keelok Shunni opíne,

¹⁶Ojni keelok Ojni opíne, delokke Eri keelok Eri opíne.

¹⁷Arodi keelok Arodi opíne delokke Areli keelok Areli opíne.

¹⁸Gad opín dem sandum sula midum 40,500 amiko kato.

¹⁹Er lang Onan bínyi Judahke ue, idola bínyi Kanaanlo sikai.

²⁰Judahke opín-odonge: Shelah keelok Shelah opíne, Perej keelok Perej opíne, Jerah keelok Jerah opíne,

²¹Perejke otíng-oyin kídíe: Hejron keelok Hejron opíne, delokke Humul keelok Humul opíne.

²²Judah opín dem sandum sula midum 76,500 amiko kato.

²³Issakharke opín-odonge: Tola keelok Tola opíne, Puah keelok Puah opíne.

²⁴Jashup keelok Jashup opíne, delokke Shimron keelok Shimron opíne.

²⁵Issakhar opín dem sandum sula 64,300 amiko kato.

²⁶Jebulunke opín-odonge: Sered keelok Sered opíne, Elon keelok Elon opíne, delokke Jahleel keelok Jahleel opíne.

²⁷Jebulun opíndem sandum sula midum, 60,500 amiko kato.

²⁸Manasseh keelok lang Ephraim keelok Joseph kíng lenna opín-odonge:

²⁹Manassehke otíng-oyine: Makir keelok Makir opíne (Makir bí Gilead ke abue) Gilead keelok Gilead opíne.

³⁰Sikesi Gileadke otíng-oyine: Lejer keelok Lejer opíne, Helek keelok Helek opíne.

³¹Asriel keelok Asriel opíne, Shekhem keelok Shekhem opíne.

³²Shemida keelok Shemida opíne delokke Hepher keelok Hepher opíne.

³³Hepher ke oo Jelophehad bí oo kamato, idola ome kídíe kato. Buluke amíne Mahlah, Noah, Hoglah, Milkah delokke Tirjah.

³⁴Manasseh opíndem sandum sula midum 52,700 amiko kato.

³⁵Ephraim ke opín-odonge: Shutelah keelok Shutelah opíne, Beker keelok Beker opíne, delokke Tahan keelok Tahan opíne.

³⁶Shutelah keelok lenna opíne Eran opínde.

³⁷Ephraim opíndem sandum sula midum 32,500 amiko kato. Sikesi Joseph keelok lenna opín kídíe:

³⁸Bénjaminke opín-odonge: Bela keelok Bela opíne, Ashbel keelok Ashbel opíne delokke Ahiram keelok Ahiram opíne.

³⁹Shephupham keelok Shephupham opíne delokke Hupham keelok Hupham opíne.

⁴⁰Belake opín-odonge: Ard keelok Ard opíne delokke Naaman keelok Naaman opíne.

⁴¹Bénjamin opíndem sandum sula midum 45,600 amiko kato.

⁴²Sikesi Dan keelok lenna opín-odonge: Shuham keelok Shuham pínmík kídare lento.

⁴³Shuham pínmík kídarem sandum suname midum 64,400 amiko kato.

⁴⁴Asherke opín-odonge: Imnah keelok Imnah opíne, Ishbi keelok Ishbi opíne delokke Beria kelok Beria opíne.

⁴⁵Beriake opín-odong lokke Malkiel keelok lennade Malkiel opíne.

⁴⁶Asher bí Serah emnam omeko kato.

⁴⁷Asher opíndem sandum sula midum 53,400 amiko kato.

⁴⁸Naphtali opín-odonge: Jahjeel keelok Jahjeel opíne, Gune keelok Gune opíne,

⁴⁹Jejer keelok Jejer opíne delokke Shillem keelok Shillem opíne.

⁵⁰Naphtali opínem sandum suname midum 45,400 amiko kato.

⁵¹Israel ami takamem sandum suname midum 601,730 amiko ito.

⁵²RUUTUM bí Mosime poto,

⁵³“Opín-buang kídílo buluke anyo bojém kaala, among dem kípan subi langka.

⁵⁴Kapekísadí, atyon kolo attudí, dekepe bojéyanem bojéyape anyo yanem kapekísa atyonlo atlíktudí, dekepe yége-dagge penamem paape aido.

⁵⁵Asi-among dem lotoripe ila orpan sulangka. opín takamlo orlíknam amongde agí-agíke buku amínpe isuyé.

⁵⁶Lotorilok ila anyo-bojém kaala, yége-dagge penam asi-among suem orpan bosulangka.”

⁵⁷Lebi kídíke opín-odonge: Gershon keelok Gershon opíne, Kohath keelok Kohath opíne delokke Merari keelok Merari opíne.

⁵⁸Buluke pínmík kídíe: Libni, Hebron, Mahli, Mushi delokke Korah. Kohath bí Amramke bukue.

⁵⁹Lebi opín aralo Ijipt amonglo Lebike otíng-oyinlok olennam Jokebed bí Amramke mimepe ito. Amram kíng bí Aaron melang Mosime delokke bínyike bírme Miriam me olíkto.

⁶⁰Aaron bí Nadab, Abihu, Eleajar delokke Ithamarke abue.

⁶¹Idola buluk aradelo Nadab lang Abihu bínyi elík manam deemana romnam amanem ilíkla sikai.

⁶²Poolo dugrík nalok ila milokong Lebi tabungem sandum sula 23,000 amiko kato. Bulum Israel opín-buang aralok opín konpe sanlík mala, bulu yége-dagge penam asi-among tarongem paamín gemato.

⁶³Sikesi miri Eleajar kelang Mosike Israel opínem atyonla Jeriko arot konke Jordan korong robengke Moab yiibelo sankuname.

⁶⁴Yépol mooruk Sinailo miri Aaronke lang Mosike kerang sando delokke ami atel kote kaimato.

⁶⁵Kapeila, “Bulu takame yépol mooruklo siyinyé,” emla RUUTUM bí Israel kídíem poto. Depeila Nunke oo Joshua lang Jephunnehke oo Kaleb bínyike kékonlo midum atel kote turla yémato.