Read Alladian SANNAM 29 Bible Online

SANNAM 29 - Alladian bible

SANNAM 29

¹Poolo kíníd lokke kerang longe delo nolu gídum sula kumbo sulangka. Delo agér-anam atí ibosumapeka, kapeila de longe de noluke bikul muddíe.

²Atí tarí-tape kamana rubílko, mérbo ko delokke toodí taktelna méro kínídko irula, RUUTUM ke keralo aríkana nampona romnam amanpe romlík langka.

³Delo ali-ayé amanpe, olib téllok iyél sunam ettíng lok kilogram angumko rubo delo ilíkla, mérbo delo kilogram annyiko,

⁴delokke méro miyong delo kilogram asak itak sulíklangka.

⁵Sok teyolo, noluke paab aman legape bénboko itaksula ami kídíem ipítkunam legape ilangka.

⁶Sikesi pongu-lungu subinamke loodí-loodíem lang poolo-poololo romnam aman keelang ali-ayé amanke delokke tíínam amanke teyolo item líkpename. Dekede RUUTUM ke airupe míínam emelok romlíknam aríkana aman kídíe.

⁷Poolo kíníd sokke longe íying nana delo kumsu kolo aadum sulangka. Delo doma-tíímapeka delokke agér imapeka.

⁸RUUTUM ke keralo arí kala nampona romnam amanpe atí tarí-tape kamana rubo kolang mérboko delokke toodí taktelna méro kínídko bomala romlík langka.

⁹Delo ali-ayé amanpe, rubo delo olib téllok hoyél sunam ettíng lok kilogram angumko, mérbo delo kilogram annyiko,

¹⁰delokke méro kíníd delo kilogram asak itak sulík langka.

¹¹Sok teyolo, agínpe iyar sunam romnam aman keelang ali-ayé aman delokke tíínam aman kékonlo ami kídíem paablok ipítnam legape bénboko paab amanpe item líklangka.

¹²Poolo kíníd sokke looying kolang longe pilngo nanalo, kumsu kolo gídum sulangka delokke agér-anam atí ibosumapeka. RUUTUM ke keralo adeng-apeme longe kínídko ibosulangka.

¹³Atí tarí-tape kamana rubíl íying kolang angumko, mérbo annyiko delokke toodí taktelna méro íying kolang appiko RUUTUM ke airupe míínam, emelok romlíknam aríkana amanpe ilík langka.

¹⁴Rubíl íying kolang angum miyong delo ali-ayé amanpe olib téllok hoyél sunam ettíng lok kilogram angum-angumpe ilíkla, mérbo annyi delo kilogram annyi-annyipe,

¹⁵delokke méro íying kolang appi miyong delo kilogram asak itak sulík langka.

¹⁶Sok teyolo, agínpe iyar sunam romnam aman keelang ali-ayé aman, delokke tíínam amanke kékonlo bénboko paab amanpe item líklangka.

¹⁷Lonyinana longe delo, atí tarí-tape kamana rubíl íying kolang annyiko, mérbo annyiko, delokke toodí taktelna méro íying kolang appiko amanpe ilíklangka.

¹⁸Delo ali-ayé aman loklang tíínam aman lok, polík-lulík nampe rubíl kídí delo lang mérbo annyi delo, delokke méro íying kolang appi delo ilík langka.

¹⁹Sok teyolo, agínpe iyar sunam romnam aman keelang ali-ayé amanke, delokke tíínam amanke kékonlo paab amanpe bénboko item líklangka.

²⁰Longumnana longe delo atí tarí-tape kamana rubo íying kolang atelko, mérbo annyiko delokke toodí taktelna méro íying kolang appiko amanpe ilíklangka.

²¹Delo ali-ayé aman loklang tíínam amanlok, polík-lulík nampe rubíl kídí delolang mérbo annyi delo, delokke méro íying kolang appi delo ilík langka.

²²Sok teyolo agínpe iyar sunam romnam aman keelang ali-ayé amanke, delokke tíínam amanke kékonlo bénboko paab amanpe item líklangka.

²³Loopinana longe delo atí tarí-tape kamana rubo íying kolang mérbo annyiko delokke toodí taktelna méro íying kolang appiko amanpe ilíklangka.

²⁴Delo ali-ayé aman loklang tíínam aman lok, polík-lulík nampe rubíl kídí delo lang mérbo annyi delo, delokke mér íying kolang appi delo ilík langka.

²⁵Sok teyolo agínpe iyar sunam romnam aman keelang ali-ayé amanke, delokke tíínam amanke kékonlo, bénboko paab amanpe item líklangka.

²⁶Longo nana longe delo atí tarí-tape kamana rubíl konang kolang mérbo annyiko delokke toodí taktelna méro íying kola appiko amanpe ilík langka.

²⁷Delo ali-ayé aman loklang tíínam aman lok polík-lulík nampe rubíl kídí delolang mérbo annyi delo, delokke méro íying kolang appi delo ilíklangka.

²⁸Sok teyolo, agínpe iyar sunam romnam aman keelang ali-ayé amanke, delokke tíínam amanke kékonlo bénboko paab amanpe item líklangka.

²⁹Longkénana longe delo atí tarí-tape kamana rubíl píínyi kolang mérbo annyiko delokke toodí taktelna méro íying kolang appiko amanpe ilík langka.

³⁰Delo ali-ayé aman loklang tíínam amanlok, polík-lulík nampe rubíl kídí delolang mérbo annyi delo, delokke méro íying kolang appi delo ilík langka.

³¹Sok teyolo, agínpe iyar sunam romnam aman keelang ali-ayé amanke delokke tíínam amanke kékonlo bénboko paab amanpe item líklangka.

³²Kínídnana longe delo atí tarí-tape kamana rubíl kíníd kolang, mérbo annyiko delokke, toodí taktelna méro íying kola appiko amanpe ilíklangka.

³³Delo ali-ayé aman loklang tíínam aman lok, polík-lulík nampe rubíl kídí delo lang mérbo annyi delo, delokke méro íying kolang appi delo ilík langka.

³⁴Sok teyolo, agínpe iyar sunam romnam aman keelang ali-ayé amanke, delokke tíínam amanke kékonlo bénboko paab amanpe item líklangka.

³⁵“Longe píínyi nana delo, kumsu kolo gídum sulangka delokke agér-anam atí ibosumapeka.

³⁶Atí tarí-tape kamana rubíl kolang mérboko delokke toodí taktelna méro kínídko, RUUTUM ke airupe míínam emelok romlíknam aríkana romnam amanpe ilík langka.

³⁷Delo ali-ayé loklang tíínam aman lok, polík-lulík nampe rubíl delo lang mérbo delo, delokke méro kídí delo itak sulík langka.

³⁸Sok teyolo, agínpe iyar sunam romnam aman keelang ali-ayé amanke, delokke tíínam amanke kékonlo, bénboko paab amanpe item líklangka.

³⁹RUUTUM ke keralo noluke agí mínggosu aman bisunam keelang noluke pésu bomnam teyolo, noluke toodí yamolo iyasunam, romnam aman kídíem bidísupe biyar sulangka.”

⁴⁰RUUTUM ke lulígnam tabungem, Mosi bí, Israel kídíem pokan biyinto.