Read Alladian SANNAM 33 Bible Online

SANNAM 33 - Alladian bible

SANNAM 33

¹Mosi kelang Aaronke yébo-dagbo aralo, Israel kídíke opín-buang supe Ijipt lok gílendoku delokke ila bedu-bedanglo notko doopom kídíem sanbiname sikesi.

²RUUTUM ke lulíglok buluke bedu-bedanglo notko doopom legangem Mosi bí atkumla sikepe atto.

³Gíbong adeng-ape dorongem, kerang poolo lokke longe íying kola pilngo nanalo, Israel kídíe Rameses lok enlentoku. Bulu RUUTUM ke igul aralok aapí-aange edíírupe, Ijipt ami kídíe néné-taré kaadupe gílentoku.

⁴Depe idoem buluke uyu kídílo RUUTUM bí itung-iréla, buluke oge yalumnam oo kídíem RUUTUM bí mokala bulu simangem yuyinto.

⁵Israel kídíe Rameses lokke Sukkothlo notko ito.

⁶Sukkoth lokke bulu yépol moorugem duuríksuna Ethamlo notko ito.

⁷Etham lokke bulu Baal Japhonke sanggodan Migdol anínke Pihahirothpe enlat sulangkula delo notko itoku.

⁸Pihahiroth lokke bulu Silíng Siyéng lok gíla yépol mooruk Shurlo pííto. Bulu yépol mooruk Shurlo longum kokai enlíkrodem Marah emkolo notko ito.

⁹Marah lokke bulu siirung íying kolang annyi kako, delokke kejur ane íying kíníd kako Elimlo pííla notko ito.

¹⁰Elim lokke bulu Silíng Siyéng abelo notko ito.

¹¹Silíng Siyéng lokke bulu yépol mooruk Sinlo notko ito.

¹²Yépol mooruk Sin lokke bulu Dophkahlo notko ito.

¹³Dophkah lokke bulu Alushlo notko ito.

¹⁴Alush lokke bulu ami kídíke asi tíípayimangko, Rephidimlo notko ito.

¹⁵Rephidim lokke bulu gílenla yépol mooruk Sinailo notko ito.

¹⁶Bulu yépol mooruk Sinai lokke gílenla Kibroth Hattabaahlo notko ito.

¹⁷Kibroth Hattabaah lokke bulu Hajerothlo notko ito.

¹⁸Hajeroth lokke bulu Rithmahlo notko ito.

¹⁹Rithmah lokke bulu Rimmon-perejlo notko ito.

²⁰Rimmon-perej lokke bulu Libnahlo notko ito.

²¹Libnah lokke Rissahlo bulu notko ito.

²²Rissah lokke bulu Kehelathahlo notko ito.

²³Kehelathah lokke bulu Shepher díítumlo notko ito.

²⁴Shepher díítum lokke bulu Haradahlo notko ito.

²⁵Haradah lokke bulu Makhelothlo notko ito.

²⁶Makheloth lokke bulu Tahathlo notko ito.

²⁷Tahath lokke bulu Terahlo notko ito.

²⁸Terah lokke bulu Mithkahlo notko ito.

²⁹Mithkah lokke bulu Hashmonahlo notko ito.

³⁰Hashmonah lokke bulu Moserothlo notko ito.

³¹Moseroth lokke bulu Bene Jaakanlo notko ito.

³²Bene Jaakan lokke bulu Hor Haggidadlo notko ito.

³³Hor Haggidad lokke bulu Jotbathahlo notko ito.

³⁴Jotbathah lokke bulu Abronahlo notko ito.

³⁵Abronah lokke bulu Ejion Geberlo notko ito.

³⁶Ejion Geber lokke bulu yépol mooruk Jinlo (de Kadesh doolunge) notko ito.

³⁷Kadesh lokke bulu Hor díítum delo notko ito. De Edom among lokke rísue.

³⁸RUUTUM ke lulíglok, Israel kídíke Ijipt lok lenrongku takying appi lokke poolo pilngoke kerang longe delo miri Aaron bí Hor díítum delo resala delo sikai.

³⁹Hor díítum delo Aaronke sidodem, bíkke dítage 123 ko ito.

⁴⁰Kanaan among lokke sokkodan Negeblo duuna Arad lokke Kanaan ami rojade, Israel kídíke aanamem tatto.

⁴¹Hor díítum delokke bulu Jalmonalo notko ito.

⁴²Jalmona lokke bulu Punonlo notko ito.

⁴³Punon lokke bulu Obothlo notko ito.

⁴⁴Oboth lokke bulu Moab among rísuke Iye-abarimlo notko ito.

⁴⁵Iye-abarim lokke bulu Dibon-gadlo notko ito.

⁴⁶Dibon-gad lokke bulu Almon-diblathaimlo notko ito.

⁴⁷Almon-diblathaim lokke bulu Nebo kerangke Abarim díítelo notko ito.

⁴⁸Abarim dííte lokke bulu Jeriko arotkonke Jordan abeke Moab yiibelo notko ila duuto.

⁴⁹Moab yiibe delo bulu Jordan korong robengke Abel Sittim keela Beth Jeshimothke pénsamlo notko ito.

⁵⁰Jordan rotkon Jerikoke kékon Moab yiibelo Mosi me RUUTUM bí poto,

⁵¹“Israel kídíem lulígdola sim polangka; Edílo nolu Jordanem koola Kanaanlo pííyédí,

⁵²delo noluke keralok among delo duuna ami kídí tabungem monbín langka. Buluke moi-muang inam, elíng mimang takam emlang arem murti tabungem delokke buluke kumpom kídíem nyokmo langka.

⁵³Asi-among dem yébom-dagbomla duulík langka, kapeila asi-among dem nolu yébom-dagbomdope, ngo nolum bito.

⁵⁴Asi-amongdem lotori ila, noluke opín-buang ségupe orpan bosulangka. Milung-mibam yanem bojéyape asi-amongem orla, anyonem anyoyape orla ibosulangka. Lotorike akorpe buluke yége-daggepenam asi-amongde iyé. Dekedem noluke buku-neku opín-buang adongpe orpan bosulangka.

⁵⁵Idola among delokke ami kídíem nolu monbín mayémílo, delo noluke duumonam kídíde noluke ebín lerípe ila, noluke amiglo tangpe delokke noluke amíl-amolo tuubu-tayotpe iyé. Delok teyong delo nolum bulu ebín-ebon ibomla mirolpe rolyé.

⁵⁶Delokke ngo buluke teyolo íngkoko ipe emla mííbomdudí deme nolukíng ilat líkyéku.”