Read Alladian SANNAM 7 Bible Online

SANNAM 7 - Alladian bible

SANNAM 7

¹Edílo Mosi bí RUUTUM ke Tombudem moyintodí, delo bí Tombu demlang delokke ato-siro tabungem pídéla kumlíkto. Bí runggu demlang delokke ekuserang takam emte pídéla kumlíkto.

²Depe irodem opín-buang daadiem sankolo sandum suna miro tabungde aman bomato.

³Bulu RUUTUM kelo mipil legape rubo miyongko delokke miro annyi dumsupe gaariko ila, tamlumnam gaari akkéko Tombu keralo bomabito.

⁴RUUTUM bí Mosime poto,

⁵Tombu so agér aadope sim aman kídar sim buluke lok torík sulangka, delokke sike sim Lebi kídílo, buluke mipil agérlo inadope bilangka.

⁶Delo Mosi bí gaari kídí demlang rubo kídíem laarík sula Lebi kídíem bito.

⁷Bí agér inam akorpe gaari annyi kolang rubo appiko Gershon kídíem bito.

⁸Bí agérke ikor-siyorpe gaari kola rubo píínyiko Merari kídíem bito. Miri Aaronke oo Ithamarke ruudu-ruutok aralo bulu takam yéyinto.

⁹Idola deena ekuserang kídíem, jonggo bomnam legape Kohath kídí teyolo Mosi bí atí bimato.

¹⁰Edílo runggu dem pídéla kumlíktodi, delo dekepe kumlíknam legape opín-buang tabungke ruutum kídílo buluke aman kídíem boma biyinto.

¹¹RUUTUM bí Mosi me lulígto, “Runggu sime kumlíknam legape looying kola loonyi loope, loodí mipíem, opín-buang miyongke ruutum kídíke akone bík amanem boma bipe aido.”

¹²Dekepe lulíg kolok opín-buang tabungke ruutum kídíde, buluke aman kídíem bomala biyinto. Kerayalum longe delo Judah opínke ruutumpe Amminadabke oo Nahshon bí amanem bomabito. Loonyi nana longe delo, Issakhar opínke ruutumpe Juarke oo Nethaniel bí amanem bomabito. Longum nana longe delo, Jebulun opínke ruutumpe ina Helonke oo Eliab bí amanem bomabito. Loopi nana longe delo, Reuben opínke ruutumpe ina Shedeurke oo Elijur bí amanem bomabito. Longo nana longe delo, Simeon opínke ruutumpe ina Jurishaddaike oo Shelumiel bí amanem bomabito. Longké nana longe delo, Gad opínke ruutumpe ina Deuelke oo Eliasaph bí amanem bomabito. Kíníd nana longe delo, Ephraim opínke ruutumpe ina Ammihudke oo Elishama bí amanem bomabito. Píínyi nana longe delo, Manasseh opínke ruutumpe ina Pedajurke oo Gamaliel bí amanem bomabito. Konang nana longe delo, Benjamin opínke ruutumpe ina Gideoni ke oo Abidan bí amanem bomabito. Looying nana longe delo Dan opí(...)

⁸⁴Runggudem kumlíknam legape opín íying kolang annyi delokke ruutum kídíke aman bomanam idume sikeko kato: Ali-ayé aman legape, 27:6 kilogram kope idum tebege ina baldín ekunge íying kolang annyiko delokke baldín eguge íying kolang annyiko ito. Delokke 1:32 kilogram kope idum tebege ina uun lukunge íying kolang annyiko ito. Romnam aman legape rupang íying kolang annyiko, mér íying kolang annyiko delokke toodí taktelna mére íying kolang annyiko ito. Paab aman legape bénboe íying kolang annyiko ito. Ashéng aman legape ruboe íying annyi kolang appiko, mérboe íying akkéko, sobéne íying akkéko delokke toodí taktelna méroe íying akkéko ito.

⁸⁹Edílo RUUTUM me lupo sudope RUUTUM ke Tombu delo Mosi bí aatodí, delo bí Daapong Sonduk teyongke Sérubim annyi pénsam delokke Ipítna Ayang Dungkeng delok RUUTUM bí bíme lupodupe tadsula, bí bím luposuto.