Read Alladian JEKHARIAH 10 Bible Online

JEKHARIAH 10 - Alladian bible

JEKHARIAH 10

¹Gédí-ponggolo pedong odope RUUTUM kíng kumlangka; RUUTUM bímin doomugem kamola amoso pedongem tani takamlo omola, delokke arík-anam lokke neyi-neyang kídíem yayingmone.

²Mimang kídíde yadne, delokke líímé tagil, rokyin kaanamde mename. Buluke immang agom pobinamde aromang, delokke buluke aapí edíídope luer-poernamde agér kamana agom-aange. Depeila ami kídíe mér kísa tumgo sudung, delokke kaabomna kamanam legape itung-iré kosudung.

³“Ngokke marname mér kaabomna kídí teyololang doolung ruutum kídí teyolo meyope dordung. Depeila ngo bulume itung-iré lenyé. Kapeila Maglíngke RUUTUM bí agíke Judah ami kídílo kaabom yéku, delokke mimaklo miga-mirampe ina guré kísape ngo bulume ruuyéku.

⁴Judah lok modasukeng lííne-lííreng bí lenyé, bíkkelok tombu hokeng petkée lenyé, bíkkelok mimak inana ityie lenyé, bíkkelok kebang ruutum yébona tabunge lenla,

⁵bulu takam lekope ila miga-miram amipe ila, mimak lokke yupyang bedangem tujémla ibomyé. RUUTUM bí bulukíng yémín genam legape, bulu miruke guré-gaari kídíem ikumyé.

⁶Ngo Judah ke ekumem edíímola, Josephke ekumem mopítyé. Ngo buluke teyolo ayang yaalen sula bulume edíímoyéku. Ngokke mepak tonam ami kísa bulu ikumayé. Buluke kumnam takamem ngo tatbiyéku, kapeila ngomin RUUTUM buluke Shédí bí.

⁷Ephraim ami kídíe miram amipe iyinyéku. Onggur alang tííla ashénam kísa buluke aapíe ashéyéku. Buluke ome-oo kídíe legang takamem kaala eryé, delokke buluke aapí-aange RUUTUM kíng ashélíkyé.

⁸Ngo bulume iyodko ikan bila, bulum takam laadum suyinyé. Bulu kerang yétonam kísa alung-abam idokupe arope ngo bulume ipítyéku.

⁹Miying opín kídílo ngo bulume monpan-monranla ituakom bulu mooteng among kídí lokom ngome míípasuyé. Bulula buluke ome-oo kídíe turla, amoso píílat suyin yéku.

¹⁰Bulume ngo Ijipt amolok, delokke Assiria amolok goodum sula aaboyéku. Bulu duubo-dakbo supeko kaimape idupe, ngo bulume Gilead among lolang Lebanon amolo gingaayéku.

¹¹Bulu ankí-kenoko siyéngem koola, silu-sipar taasana siyéng asiem imapla, Nail korong lokke eerína asiem oomola pííyin yéku. Assiriake míngkímem omap moyéku, delokke Ijipt lokke banggéne kaimayé.

¹²Ngo bulume ralna opínpe imoyéku, delokke bulu ngokke amínlok yéyi-yésangem yéyéku.” Sikepe RUUTUM bí polendung.