Read Alladian JOAN 17 Bible Online

JOAN 17 - Alladian bible

JOAN 17

¹Jisubí dekepe porongem, bí teyope kaadu sudola kumkai: “Yayie, moodíe píídak. Ue nom yidgedope, Uemkom yidge langka.

²Kapeila nokke bíkkíng binam takamlo turyar namem bidope no takam teyolo bíkkíng ruutumnana ralnamem bitung.

³Supak bulu, aro Shédí petom nomlang nokke melíknam Jisu Kristome kénnam simin turyarnam yéname.

⁴Ngo nokke ngom iyépe emla binam agérem ipíng kolok tani amoso nom yidgemoto.

⁵Delokke Yayie tani amonge lenmang adape nokkíng ngokke duudungem, ngokkíng ingkona angun ralname katodí nokke keraso ngom supak biyika.

⁶“Ngokkíng nokke tani amosok ami binam kídíem nom kénmoto. Bulu nokke; no bulum ngokkíng bito delokke bulu nokke agomem tatto.

⁷Supak nokke ngom binam atí takamde ngokkelok lenne emla bulu kéndung.

⁸Legade nokke ngom binam agom kídarem ngo bulum bito delokke bulu dekedem toríksuto. Bulu ngo nokkelok aato emla berokpe kénto, delokke no ngom melíkne emla arope míngkai.

⁹“Ngo bulu kepe kumdung. Ngo tani amosok legape kummang, idakkom nokke ngokkíng binam ami kídí legape kumdung, kapeila bulu nokkemin.

¹⁰Ngokke bomnam takam si nokke delokke nokke bomnam takamde ngokke. Delokke bulu kelokmin ngokke angun ralnamem lengkan natone.

¹¹Ngo tani amoso duuyi mabong, idakla bulu tani amoso dungada, delokke ngo nokkíng aadakku. Deena Abue ngonyike atel bosunam akampe bulute atel bosudope nokke ngom binam amín lok bulum umbom langka.

¹²Ngokke bulukíng yébo sudungem, ngo bulum mosiito delokke nokke ngom binam amínlok bulum ekerdope kaabomto. Sékote nyokna kamang idola Dooying kitab agomem apíí dope emla midum atelko nyokkai.

¹³“Ngo supak nokkíng endakku, idokom buluke aralo bulu ngokke ashéngem apíípe paadope emla tani amoso duudung adape sim atí kídí sim ngo podung.

¹⁴Nokke agomem ngo bulum bito delokke tani amonge bulum kangkito. Legade, ngo kape kísa tani among sokke mape idudí dekepe bulukom tani among sokke yimang.

¹⁵Ngokke kumgade no bulum tani amosokke laabín langka emmang idola no atímana lokke bulum umbom langka emlamino ngo kumdune.

¹⁶Bulu tani among sokke mang, ngoteng tani amo sokkemang.

¹⁷Bulum arolok deenampe leepek sulangka; nokke agom si arone.

¹⁸Nokke ngom tani amoso melíknam akampe, ngo bulum tani amoso melíkdung.

¹⁹Bulute aro deenamlo míímo sudope emla, buluke legape ngote agísuem deenamlo míímo sudung.

²⁰“Ngokke kumnamde buluke legang petommang. Buluke agomlok ngom arope míngke supena kídí legapekom ngo kumdung.

²¹Bulu takam leko bosudope emla ngo kumdung. Yayie! No ngokkíng duula delokke ngo nokkíng duunam kísape bulumte ngolukíng duumo langka. Tani amonge no ngom melíkne emla arope míídope bulumte ngolukíng leko molangka.

²²Nokke ngom angun ralnam binamem ngo ngonyike atelnam kísape bulu leko bosudope bulum bito.

²³Ngo bulukíng duudope delokke no ngokkíng duulangka. No ngom ayala ngom bulu kepe melíkla bulum ayadung emla tani amonge kaadope bulum apíípe notko atello laadum sulangka.

²⁴“Yayie, nokke ngom binam angunem, ngokke angun ralnamem kaadope, delokke ngokke yékolo yédope, nokke ngom binam ami kídíem ngokkíng atel bosudope ngo míídung, kapeila no tani amongem pímang adape ngom ayato.

²⁵Deena Abue, tani amonge nom kénmang dokom, ngo nom kénsudung, delokke no ngom melíkne emla bulu kéndung.

²⁶Ngo nom bulu kéndope lengkanto, delokke nokke ngom ayang name bulukíng duudope ngo nokke legangem bulum kénmo yaryé.”