Read Alladian 1 THESALONIKA 1 Bible Online

1 THESALONIKA 1 - Alladian bible

1 THESALONIKA 1

¹Paul, Silbana[1] delokke Timothi, Abu Shédí kílang Ruutum Jisu Kristokíng Thesalonika mondolilo salame. Yanggong elang yéponame nolukíng duudak langka.[2]

²Ngolu agínpe noluke takam legape, nolum ngoluke kumkolo lupaala Shédíme yidge ayardung.

³Noluke míngkelok lenna agérem, noluke ayanglok ankípe ingéé sunamem delokke ngoluke Ruutum Jisu Kristokelo míínam sunamlok erappe donggap namem, ngoluke Shédí delokke Abuke keralo míípang suyardung.

⁴Shédíke ayanam bíro kídía, Shédí bí nolum ayadung delokke bíkkepe nolum ullentung.

⁵Kapeila ngoluk ngiitom si nolukíng agom petompe aamang, idakkom ralnam, Deena Aid, delokke eerína lengkanem apíípe bito. Noluke gooralo ngolu kapepak nolukepe duutodí dem nolu kénsudung.

⁶Nolu ngolum delokke Ruutumme kanggesula yénape ikai; adíre séngéé dolate ngiitomem Deena Aid binam ashénglok nolu shéríksuto.

⁷Delokke dekepe nolu Makedonia delokke Akaialo duuna arope míngkesuna kídí takam lokke kaayii sukepe ikai.

⁸Ruutumke ngiitom aunge nolu kelokke muulenkai de Makedonia delokke Akaia petom lomang noluke Shédíkíng míngkenge rego mipílo byargongkai. Delok legape ngolu sok legape atí popenam kamang,

⁹kapeila nolu kape kísape ngolum yamrík iríktodí dem bulu agíe lukan subitung. Nolu kape kísape mimang kumsu namlokke Shédíkelo, turna delokke aro Shédíme kumsukape emla dakbang tokuadí dem bulu pobodo.

¹⁰Delokke teyong telok bíkke Oolokke angku penamem toyala sékome bí sikolokke kiirep tokudí delokke angkupena Shédíke marlíng lokke ngolum mosing kuna Jisume toyadope pobodo.