Read Alladian 1 THESALONIKA 3 Bible Online

1 THESALONIKA 3 - Alladian bible

1 THESALONIKA 3

¹Ngolu dongge layimang, iname ngolu petom Athenlo duusupe emla mííyik suto.

²Nolum míngkelo írdope luír poírla delokke nolum edíídope Kristoke ngiitomem pogoo bona, Shédíkelo agér gértíng[4] ngoluke bíro Timothime ngolu melíkto,

³depe iname nolu sékoteng dekepe taronang ikolok gílat kumadope emla itung. Nolu agíe kénsudung sikena darkaade Shédíke ngolum ruulík nampe idung.

⁴Aropaklok luyém, ngoluke nolukíng yédodelo, ngolum irééyé emla potíboto. Nolu aipakpe kénsudung de arope dekepe ikai.

⁵Delok legape, ngo doola yimang yédem noluke míngkengem ankangkípe emla ngo melíkto. Angu bedalok uyue nolum ikang darkaalo delokke ngoluke ankípe ibom sunamde ítsamlok gípelo emla ngo pesoto.

⁶Idola Timothi supakpak ngolukíng nolu kelokke píídoku delokke noluke míngkeng delokke ayang legangem aina koborem píngge doku. Nolu agínpe ngolum ankípe míípang paatísudo delokke ngolute nolum kaalíngkue inam kísape nolu ngolum ankípe kaalínge idung emla pobodo.

⁷Delok legape bírokídía, ngoluke míídír suko takam lolang atung aréélo, noluke míngkelok noluk legape ngolum erapmoto.

⁸Legade, nolu Ruutumkelo edíírupe duusukolok, supak arorupe ngolu turdung.

⁹Noluke legalok ngoluke Shédíke keralo ashéng paalat kunam takamem noluke legape edítko ngolu Shédíme yidgepene?

¹⁰Ngolu nolum lekoda kaapang dokupe delokke noluke míngkelo pííramem bidokupe longe yohpe jégaprupe kumbom sudung.

¹¹Supak ngoluke Shédí delokke Abu bí agíelang ngoluke Ruutum Jisu bí nolukíng aadokupe ngolum bedangem mokok gebiyépe.

¹²Ngoluke nolum ayanam kísape Ruutum bí noluke ayangem goobyak moyépe delokke mipil miyolo bíísét moyépe.

¹³Ngoluke Ruutum Jisu bí bíkke deena opéé em aabola aayékuem ngoluke Shédí delokke Abuke keralo deenape delokke imem kamape yédope emla noluke aangem bí ralmo daklangka.