Read Alladian JOSHUA 12 Bible Online

JOSHUA 12 - Alladian bible

JOSHUA 12

¹Jordan korongke sanggodan lokke, Arnon kobung lok ilenla Harmon dííte loope, delokke Arabahke sanggodan among kídídem itak sula, edítko deke delo asi-amonge katodí, delokke deke delo edítna roja kídíe yébomtodí, deke takam dem Israel kídíe ikumla, buluke asi-among kídíem, Israel kídíe agí alaglo laayin aato. Ikumnam roja kídíke amín kídíe sikesi:

²Heshbonlo rojape ina Amorit kídíke roja akon Sihon bí, Arnon kobung duurí delok ilen langaala kobung delokke raadang loope, delokke Gilead among arotkonem itaksula Ammon kídíke among rísuke Jabbok korong loope bí rojape yébomto.

³Bí sanggodan Arabahke Galil Siyéng (Kinnereth Siyéng) lokke ila Sina Siyéng loope, delokke ilen langkula Beth Jesimoth loope; sok kékonlo bík among rísude sokko danpe toklangkula, Pisgah díítumke yiibe among loope ilíkto.

⁴Bashanlo rojape ina Amorit kídíke rojakon Og bí, Astaroth delokke Edrei lokom roja doto. Roja Og bí Rephaim emnam migo-mimat adong lokke yéyin yalumna akone.

⁵Bíkke roja dobomko asi-amongde Hermon dííte, Salekah delokke Geshur lolang, Makah lokke rísu kídí loope. Gilead among arot konem yébom langaala Heshbon lokke roja Sihonke among rísu loope ilíkto.

⁶Sime Amorit roja annyi sime, RUUTUM me agér ibina Mosi lang Israel kídíe mimaklo ikumto. Bínyike among kídíem, RUUTUM me agér ibina Mosi bí, Reuben opín emlang Gad opínem, delokke Manasseh ke opín arotkonem, buluke yébompenam among supe panlíkto.

⁷Joshua lang Israel kídíe, Jordan korong anggodanke Lebanon yiibeke, Baal Gad lokke ila sokkodan Edom anínke, Halak dííte loope edítko asi-amonge kadudí, deke delokke roja kídíem mimaklo ikumgeyéla, Israelke opín-buang miyongem kaabom dolang, asi-among panbosuko araso:

⁸Anggodanke adi among kídí delang deke delokke dííte legaplo duuna among kídí, sanggoke Arabah among delang yiibe kídíde, sokkoke Negeb among delang yépol mooruk among kídí takamde. Sikesim Hittit, Amorit, Kanaan, Perijjit, Hibit delokke Jebus ami kídíe yébomtuai.

⁹Israel kídíe sannam doolung kídar sokke roja kídíem, mimaklo ikumto: Jeriko, Bethel anínke Ai,

¹⁰Jirusalem, Hibron,

¹¹Jarmuth, Lakhish,

¹²Eglon, Gejer,

¹³Debir, Geder,

¹⁴Hormah, Arad,

¹⁵Libnah, Adullam,

¹⁶Makkedah, Bethel,

¹⁷Tappua, Hepher,

¹⁸Aphek, Lasharon,

¹⁹Madon, Hajor,

²⁰Shimron, Meron, Akshaph,

²¹Taanakh, Magidolo,

²²Kadesh, Jokneam (si Karmel díítelo dung),

²³Siyéng asi robelo duuna Dor, Gilgalke Goiim,

²⁴delokke Tirjah. Sim takam sim sandumsula, roja íying angum kolang atelko ito.