Read Alladian JOSHUA 16 Bible Online

JOSHUA 16 - Alladian bible

JOSHUA 16

¹Joseph kíng lenna opín-buangke among rísude, Jerikoke sanggodan asilok ilenla línggíngpe saadusula, yépol mooruk amonglok gíla adi amongpe saalangkula Bethello pííto.

²Luj emlate mínnam Bethellok ilen langkula, Atharothlo duuna Arkit ami kídíke dungko amongem gíboola,

³anggodanpe oilangkula Japhlet ami kídíke dungko amongem pííla, Beth Horonke rumkídan yiibelo píílík langaala Among Raadang Siyéng loope píílíkto.

⁴Sikepe Joseph kelok lenna Manasseh lang Ephraim opín annyide buluke asi-amongem paato.

⁵Sikesi Ephraim opín lokke pínmík- ramíkpe, asi among paaname: Buluke among rísude sanggodan Atharoth Addar lok ilenla Beth Horonke teyolo pííla,

⁶delokke de gílangkula Among Raadang Siyéng robeng loope iríto. Línggíng danke Mikmethat lok rísude sanggo danpe gerlangkula, Tanath Shiloh em gíyirla sanggodanke Janoa doolunglo pííto.

⁷Delokrongem de Janoalok toklangkula Atharoth lolang Naarahlo píídola, Jeriko dem inotlangala Jordanlo lentoku.

⁸Rísude Tappuah lok anggodanpe gílangkula Kanah roojiklo píílíkla Among Raadang Siyéng robeng loope píílíkto. Sikesi Ephraim opín lokke pínmík-ramíkpe yébom penam asi amonge.

⁹Sikesi Manasseh erangke yékol aralo amé borope doolung duuna kídíem Ephraim eranglo panlík namete kadung.

¹⁰Idola bulu Gejerlo duuna Kanaan ami kídíem monpakmato. Silo loope Kanaan ami kídíe Ephraim kídílo duubosudung. Idola Kanaan ami kídídem Ephraim kídíke abílpe agér ibidope imoto.