Read Alladian JOSHUA 19 Bible Online

JOSHUA 19 - Alladian bible

JOSHUA 19

¹Annyinape Simeon opínem pínmíkpe amongem panbito. Buluke among rísue, Judah kídíke among yégongko loope píílíkto.

²Buluke aralo: Beersheba, Sheba, Moladah,

⁶Beth Lebaoth delokke Sharuhheh. Si doolung íying kolang angum silang sike sokke dei degolo duuna doolung aména kídí si kato.

⁷Delokke kékon loteng, Ain, Rimmon, Ether delokke Ashan emnam doolung kídíe kato.

⁸So araso, sokko rísu kéényung loope duuna Baalath Beer (Ramah emlate mínnam) lokke ila línggíng loope duuna doolung tabungem itak sulíkto. Si among si Simeon opíne pínmíkpe orpan sulangkula yébomdope paaname.

⁹Judah opínlo panbinam amongde, buluke paapenamem bojé berok yala, buluke among ayokonem Simeon opín amonglo itak sulíktoku.

¹⁰Angumnape Jebulun opínem pínmíkpe amongem panbito. Buluke amongde Sarid loope pííto.

¹¹Delokke rísude anggodanpe gíla Jokneamke sanggo danke korong demla Dabbesheth em itetlangala Marielpe gíto.

¹²Saridke arotkon sanggodanpe gína rísude Sisloth Taborke rísu loope píílíkto. Delokke de Daberathpe gílangkula Japhialo pííto.

¹³Delokke de sanggodanpe gídan tetela Rimmon retaklo duuna Neahpe bildo langkula Gath Hepher lolang Etkhajinlo píílíkto.

¹⁴Línggíngdanlo rísude Hannathonpe billangkula Ipthahel yiibelo píírílíkto.

¹⁵So araso, Kattah, Nahalal, Shimron, Idalah delokke Bethlehem emnam doolung kídí sim itaksula, delokke dunggo bomna doolung aménemte hantaksula íying kolang annyi doolungko kato.

¹⁶Si doolung kídar silang dunggo bomna aména doolung kídí si Jébulunke pínmíkpe orpan sulangkula yébomkuko doolung kídíe.

¹⁷Appinape Issakhar opínem pínmíkpe amongem panbito.

¹⁸Buluke among aralo duuna doolung kídíe: Jejreel, Kesulloth, Shunem,

¹⁹Hapharaim, Shion, Anaharath,

²⁰Rabbith, Kishion, Ebej,

²¹Remeth, Engannim, Enhaddah delokke Bethpajjej.

²²Buluke among rísude: Tabor, Shahajumah emla Beth Shemesh kídíemte itak sulangala, Jordan korong loope irílíkto. So araso doolunge íying kolang akkéko, delokke dekedem dunggo bomna doolung aména kídíe kato.

²³Si doolung bottena kídar si lang aména kídí si Issakharke pínmíkpe orpan sulangkula yébomkuko doolung kídíe.

²⁴Pilngonape Asher opínem pínmíkpe amongem panbito.

²⁵Buluke among aralo duuna doolung kídíe: Helkath, Hali, Bethen, Akhsaph,

²⁶Allam Meleh, Amad delokke Mishai. Buluke among rísude anggodanlo Karmel, Shihor Libnath kídíem patto.

²⁷Rísude sanggodanpe bildokuem Beth-dagon danpe gíto. Delo Jebulun emla Ipthahel yiibelo patlangala, Bethemek kelang Neiel ke línggíngdanlok gíto. Depe línggíngpe saalangkula,

²⁸Kabul, Ebron, Rehob, Hammon, Kanah kídíem píílangala Sidon loope píísato.

²⁹Delo rísude Ramahpe billangkula yabgope pígoosunam Tur doolungem pííto. Delokke de Hosahpe gerlangkula Among Raadang Siyéng loope píílíkto. Rísu bilgong aradelo doolung duuna kídíe:

³⁰Mahalab, Akhjib, Ummah, Aphek delokke Rehob kídíe. Deke delang doolung kídíem dunggo bomna aména kídí takamem handum suname doolung íying annyi kolang annyiko kato.

³¹Si doolung bottena kídí silang aména kídí si Asher opínke pínmíkpe orpan sulangkula yébomkuko among aralo duune.

³²Akkénape Naphtali opínem pínmíkpe amongem panbito.

³³Buluke among rísude, Heleph lokke gíla Janannim anínlo duuna ok sine dem idasulangala Adaminekeblo pííto. Delokke de Jamniape gíla Lakkum loope píílíkla Jordan koronglo tubda sulíktoku.

³⁴Sokko rísude anggope billa Ajnoth Taborlo pííto. Delokke de, sokkodanlo Jebulunem, anggodanlo Asherem delokke sanggodanlo Jordanem patgosula Hukkoklo pííto.

³⁵Naphtalike among rísu aralo si yabgo pírgosula duuna doolung kídísi kato: Jiddim, Jer, Hammath, Rakkath, Khinnereth,

³⁶Adamah, Ramah, Hajor,

³⁷Kadesh, Edrei, Enhajor,

³⁸Yiron, Migdalel, Horem, Bethanath, delokke Shemesh, idumsula delokke doolung aména kídíemte hantaksula doolung íying kolang konangko kato.

³⁹Si doolung bottena kídí silang aména kídísi Naphtali opínke orpan sulangkula yébomkuko among aralo duune.

⁴⁰Kínídnape Dan opínem pínmíkpe amongem panbito.

⁴¹Buluke among aralo duuna doolung kídíe: Jorah, Eshtaol, Irshemesh,

⁴²Shaalbim, Aijalon, Ithlah,

⁴³Elon, Timnah, Ekron,

⁴⁴Eltekah, Gibbethon, Baalath,

⁴⁵Jehud, Beneberak, Gathrimmon,

⁴⁶Mejarkon, Rakkon delokke Joppa doolungke ayir-agong moolop kídíde.

⁴⁷Edílo Dan kídíde buluke amongem nyokmotodí, delo bulu Laishem mimakpe aabomto. Bulu doolung dem ikumla, ami kídíem petyinla buluke supe deme toto. Bulu delo duunga bomdola doolung amín demteng buluk amínpe Dan emla mínlíkla itoku.

⁴⁸Si doolung bottena kídí silang aména kídí si Dan opínke orpan sulangkula yébomkuko among aralo duune.

⁴⁹Edílo Israel maglíde asi-amongem pan-yin bosutodí, bulu delo Nunke oo Joshuame bíkke kootírsupe amongko panbito.

⁵⁰RUUTUM ke lulígnam tuubupe bulu bíme bíkke agí kosunam akorpe Timnath Serah emnam doolung dem panbito. De doolung de adi among Ephraimlo kato. Bí doolung dem isi-simo langkula delo duungato.

⁵¹Nunke oo Joshua lang miri Eleajar delokke Israelke opín-buang miyongke ruutum kídíe, Shiloh doolunglo RUUTUM ke Tombu eyab gíída delo, RUUTUM ke keralo lotoripe ibosula asi-amongem pan-yin bosuto. Sikepe ila bulu asi-amongem oryin bosuto.