Read Alladian JOSHUA 21 Bible Online

JOSHUA 21 - Alladian bible

JOSHUA 21

¹Israel daadike miro keralolang, Nunke oo Joshuake keralo lang delokke miri Eleajarke keralo Lebi kídíke ruutum kídíe

²Kanaan among lokke Shiloh doolung delo aala bulum poto, “Ngolume duupe-dakpeko doolung emlang delok ayir-agolo ngoluke taro kídíe dota goopeko moolop kídíemte itaksula ngolumte yépekuem panbidope, RUUTUM bí Mosi kíng lulígtuai.”

³Dekepe RUUTUMke emkolok Israel kídíe Lebi kídíke duupeko doolung kídí emlang buluke taro kídíke duupeko moolop kídíem, agí-agí asi-among aralok tarongpe panbito.

⁴Lebi opínke Kohath erangdem kerayalumpe panbito. Miri Aaron kelok lenna opín kídídem Judah, Simeon delokke Benjamin buluke among yébom kupeko moole kídílok, doolung íying kolang angumko ilenbito.

⁵Kohathke abíd erangdem Ephraim, Dan delokke anggodanke Manasseh kídíke moolelok doolung íyingko ilenbito.

⁶Gershon erangdem, Issakhar, Asher, Naphtali delokke sanggo danke Manasseh kídíke moolelok doolung íying kolang angumko ilen bito.

⁷Merari erangdem Reuben, Gad delokke Jebulun kídíke moole lok doolung íying kolang annyiko ilenbito.

⁸Mosi kíng RUUTUMke lulígnam tuubupe, Lebi kídíke doolung kídí demlang, buluke taro kídíke yépeko moolop kídídem, lotoripe ila Israel kídíde panbito.

⁹Lebi kíng lenna Kohath erangem, Simeon kela Judah moolelok panbinam doolung kídí amíne sikesi:

¹⁰Bulum kerayalumpe panbito.

¹¹Bulum Arba (Arbade Anakimke abue) emlate mínnam Hibron doolung demlang taro kídíke yégopeko moolopko, Judah kídíke adi among aralo duunadem bito.

¹²Idola doolung delokke arík kídí emlang, delo aradelo duumín gena doolung aména kídíem Jephunneh ke oo Kaleb me, bíkke yébom kupenam amongpe kerapekai tolíkto.

¹³Sim Hibron doolung sim (Duusi sugepeko doolung kone) itaksula miri Aaronke oten kídíem sim doolung kídí sim panbito: Libnah,

¹⁴Jattir, Eshtemoa,

¹⁵Holon, Debir,

¹⁶Ain, Juttah delokke Beth Shemesh. Taro yépeko moolop emte doolung kídíso itak sulíkto. Judah kelang Simeon moolelok sim doolung konang sim ullento.

¹⁷Benjaminke moolelok bulum doolung appiko bito: Gibeon, Geba.

¹⁸Anathoth delokke Almon. Sikeso, taro yépeko emte itak sulíkto.

¹⁹Miri Aaronke oten ome-oo kídíem taro yépeko emte itaksula doolung íying kolang angumko bito.

²⁰Lebi opínke Kohath erangke ayokon erangdem Ephraim among lok doolung ayoko panbito.

²¹Bulume taro yépeko moolop em itaksula sim doolung appi sim ilen bito: Shekhem (si duusi suko doolung kone), Gejer,

²²Kibjaim delokke Beth Horon.

²³Bulume Dan amonglok taro yépekuem itaksula doolung appiko panbito: Eltekhe, Gibbethon,

²⁴Aijalon, delokke Gathrimmon.

²⁵Anggodanke Manassehke amonglok, taro yépekuem itaksula bulum doolung annyiko panbito: Taanakh demlang Gathrimmon.

²⁶Kohathke paaname doolung íyingko kato.

²⁷Lebi opínlok lenna pínmík akonpe ina Gershon erangde taro yépekuem itaksula, sanggodanke Manassehke amonglok moolop annyiko paato. Dekede Bashan mooleke Golan doolungde (si duusi suko doolung konpete ito), delokke Beesterah.

²⁸Bulu Issakharke amonglok: Kishion, Daberath,

²⁹Jarmun delokke Engannim emnam doolung appi demlang taro yépekuemte paato.

³⁰Bulu Asherke among lok, Mishal, Abdon,

³¹Helkath delokke Rehob emnam doolung appi demlang taro yépeko kídíemte paato.

³²Bulu Naphtali amonglok: Galil ke Kedesh (de duusi suko doolung konpe ito), Hammoth Dor, delokke Kartan emnam doolung angum demlang taro yépeko kídíemte paato.

³³Taro kídíke yépeko emte itaksula Gershon erang takamde doolung íying kolang angumko paato.

³⁴Lebi kídíke abíd opín arang lokke, Merari erangde Jebulun among lok Jokneam, Kartah,

³⁵Dimnah delokke Nahalal emnam doolung appi demlang taro yépeko kídíemte paato.

³⁶Bulu Reuben among lok, Bejer, Jahaj,

³⁷Kedemoth delokke Mephaath emnam doolung appi demlang taro kídíke yépekoem paato.

³⁸Bulu Gad amonglok Gileadke Ramoth (si duusi suko doolung kone) Mahnaim,

³⁹Heshbon delokke Jajer emnam doolung appi simlang taro yépeko kídíemte paato.

⁴⁰Sikepe Merari erangde doolung íying kolang annyiko paato.

⁴¹Israel opín-buang takamke yégong aralok Lebi kídíe,

⁴²taro yépeko kídíemte santaksula doolung íying appi kolang doolung píínyiko paato.

⁴³Israel kídíke buku kídílo kape kísa RUUTUM bí asi-amongem bisuyé emla togesutodí, dekepe RUUTUM bí bulum bito. Edílo bulu asi-among delo píítodí, delo bulu dekedem yébom aato.

⁴⁴Buluke buku kídílo togesunam adupe RUUTUM bí buluke aapí-aangem eetet moto. Buluke miru kídar teyolo RUUTUM bí bulum ikum moyin kolok, buluke miru kídí arang lok sékoteng mirolpe rollen lamato.

⁴⁵Israel ami teyolo togesunam agom-aang tabungem atel koteng mepakmape RUUTUM bí apíng píílípe iyin bito.