Read Alladian 1 TIMOTHI 2 Bible Online

1 TIMOTHI 2 - Alladian bible

1 TIMOTHI 2

¹Demílo, ngo kerayalumpe podung, mipilke rogunamem, kumnamem, kumbinamem delokke yidge namem kaapope aidung:

²Rojakídí delokke yébona ruutumkídí legape, ngolu yépope delokke dengompe, deenampe yédope kumbipe aido.

³De ainame, delokke ngoluke mosing bokuna Ruutumke mííbaname.

⁴Bí takam amie turdo kuamang emla míídung delokke aruem takame kénduama emlate míídung.

⁵Legade Shédíe atelko delokke tani kelang Shédíke pénsamlo iyon subinamde Kristo Jisu petom.

⁶Bí tani takamke dorpít suna nape, moodí aropaklo lengkan subila agíem bisuto.

⁷Delokke sok legape ngom Mipak kídílo aro míngkengem poyil bonape delokke tomlíknam amipe melíktung. Ngo aropagem posudung, ngo menamlok pomang.

⁸Ngo mipilem rego mipílo akmín lumín sumape deena alaglok ígonla kumyépe emla míídung.

⁹Mimekom ege gasor gebaa sunamlok, deenampe delokke kaabape gesudola, shénam leemope, dumídem atí atí isula, demangkom uun, tadog lunggu gela demangkom arekanarung egelok gíalmape,

¹⁰idakkom aina agérem ila, kumsu joosubona mime ibaa namlok iyépe emla míídung.

¹¹Mimede eetet dola apíípe gyabbo sunamem kénpe emla míípe aido.

¹²Mime luyildope demangkom miloko teyolo ruutum inamdem ngo tolíkmang; bí dengepe duupe aidung.

¹³Legade Adam memin kerape pítone, delokrongem Ibme.

¹⁴Delokke Adam bí yadmaname; mime demin yadname delokke paab igene.

¹⁵Idakkom bulu míngkelo duuyarmílo, ayang delokke deenamlo kaabape duuyarmílo, mime dekom koo gekolok turnamem paayéku.[1]