Read Alladian 2 JOAN 1 Bible Online

2 JOAN 1 - Alladian bible

2 JOAN 1

¹Abu abíng, ngokke arorupe ayanam mime delokke bíkke ome-oo kídarlope, salame. Delokke ngo petommang idakkom aruem kénna kídí takame nolum ayadung,

²kapeila arode ngolukíng duumínla delokke duuyar mínpenam legape.

³Yanggonge, yaasame delokke Abu Shédí kelang Abuke Oo Jisu Kristoke yéponame ngolukíng aro lolang delokke ayanglo duumín geyépe.

⁴Abuke ngolum igedope lulíknam kísape, noluke ome-oo ayokone arolo yénamem tatla ngo airupe ashéng tatpa sudung.

⁵Delokke ayanam mimía, supak ngo aní ngiitomyang atmang idakkom ngoluke kerapekai paatonam ngiitom emmin atdune. Dekepe ila mimía, ngolu akone akonem ayabosu laju.

⁶Delokrongem bík lulígem ibila yénam simin ayange. Nok kerangoo pekai tatnampe, bíkke lulíkde nolu ayanglo yénam demino.

⁷Jisu Kristo amíllok aato emnamdem arope míímana, yadna kídíe tani amoso gígong kaabong. Sikena ami demin yadne delokke Kristoke mirue.

⁸Noluke gérbom name elumadope ansu kaasutoka, demílo nolum amanem apíípe biyé.

⁹Séko kerape en gedola Kristoke luyilem iyar gemadudí bí Shédíme paamang; séko luyilem bomyar yédí bí Abuemlang delokke Uem annyiem paadung.

¹⁰Séko amie nokkíng aadola sim luyil sim bomang madudí dem nokke ekumlo aamo mapeka demangkom bím torík irík sumapeka.

¹¹Séko bím torík sududí, bí bíkke atímana agér tarongem paadung.

¹²Ngokke nom bojéko atpename katuai, idakkom kakot loklang siaying petomlok inalímang. Dempenem ngo nom kaapat domílo emla míídung delokke ngoluke ashéng aapíe apíídope nom kaamín sudolamin lupo sudomílo emla míídungane.

¹³Nokke ayanam bírme lokke ome-oo kídare salamem bidung.