Read Alladian 3 JOAN 1 Bible Online

3 JOAN 1 - Alladian bible

3 JOAN 1

¹Abu abíng, ngokke arolok ayanam angong Gaiukíng salame.

²Ayanam angonga, nok amíle ekerpe yédope delokke nokke yépenam takame aidope, nokke aidete yépope yédope emla ngo kumdung.

³Bíro ayoko aala nokke edíípe arolo míngkesula yénamem delokke nokke airupe arolo elumape yénam koborem lubi kolok ngo airupe ashédung.

⁴Ngokke ome-oo kídíe arolo yédung emnam koborem tatla ngok ashéng namdem botteyana ashéng kamang.

⁵Ayanam angonga, bulum no kénkí bosumang idolate, nokke kristan bírokídí legape gérbo namde nokke míngkeng edíí lokmino.

⁶Bulu nokke ayanam legangem mondoliem lupaabodo. Shédíke mííbape no bulum bedang enku pekolo melíkla igulyépe emla míídung.

⁷Legade buluke bedangem Kristoke agér legape míngke sumana kídílok igul atí matamape gílenkai.

⁸Delok legape sikena ami kídíem daadéé aapíem lengkanla aipe torík luríksupe aido demílo ngolu aro legape gérbosuyé.

⁹Ngo mondolilo attuai, idakkom buluke ruutumpe yébolína, Diotreph ngolukíng atí ibo supeko kamang.

¹⁰Dekepe ila ngo aayémílo, ngo bí ingkuem idudí dem tatkípe, ngoluke teyolo luge poge mílílo idung emdung. Delo lurí porí petemang bí bíro kídíem aipe torík irík sutomang. Bí kaarík lurík supe namemte imato delokke depe inakídíe mondoli lokke megéé dungku.

¹¹Ayanam angonga, atímanem kaayil sumape idakkom ainem kaayil sulangka. Ainem ina demoko Shédí kelok lenne. Séko atímanem idudí bí Shédíme kaamang.

¹²Demetri bí takame ainako emnam amiko delokke arolokke podung. Ngolukom bím yiddung, delokke ngoluke agome arue dem nolu kénsudung.

¹³Ngokke nom atpename bojéko kadungai, idola ngo kolom loklang delokke siyaying petomlok atlímang.

¹⁴Ngo nom menape kaarík sutope míídungai, delokke ngolu agírunge duurík sudola luposupe.

¹⁵Yéponame nokkíng duulangka. So duuna angong kídíekom salamem bidung. So duuna angong kídíem mipilem tumbope kangkén bosu topíam.