Read Alladian BEROK BINAM 1 Bible Online

BEROK BINAM 1 - Alladian bible

BEROK BINAM 1

¹Si kitab si lenpena atí kídíem, Jisu Kristoke lengkan binamem atkumla mename. Menape lenpenam legangem bíkke béérang kídíem lengkan yépe emla bím Shédí bí berok agomem bitung. Kristo bí sikesim bíkke béérang Joanme bíkke teyong kotokiem melíkla kéndope kaabeng sumoto,

²delo Joan bí agíke kaanam takamem pobito. De Shédíke agome delokke Jisu Kristoke aruem ibeng biname.

³Sim polupoor agom sim porinade gérne, delokke sim tatla so atnam kídísim aanglo gegapna kídíde gérne, kapeila moodíe píídakbong.

⁴Joan, Asia amolo duuna kínít Mondolilo: Yéduuna, yétona delokke angkupena kelok delokke bíkke roja umkéé keralo duuna aid kínít kelok,[1]

⁵delokke aro hakiipe ina, sina kídíke obíng, delokke tani amosokke roja kídíem solaina Jisu Kristo kelok yanggong elang yéponame nolukíng duudak langka. Bí ngolum ayadung, delokke bíkke iyyilok ngolum ngoluke paablokke dorpít toku

⁶delokke bíkke Shédí delokke Abume iguldope emla ngolum mirike yétape ito. Jisu Kristo kíng angun ralnam elang pauare yénam daknamlope duudaklangka. Amen.

⁷Kaasutola, bí doomuglok aadakku, delokke mipil amige bím kaapayé, bím níkké neteng kaapayé; delokke amosokke ami takame bík legalok ankí kenoyé. Dekepe de iyérung! Amen.

⁸“Ngomino yélene delokke yéyine” emla “Yéduuna, yétona delokke angkupena, Tolya yalumna” Tolya yalumna Ruutum Shédí bí poto.

⁹Ngo, noluke bíro Joan, Jisukíng yémín gekolok bíkke yétalokke ami kídíke adírem noluke lekope asoope yémgap bosune. Ngom asi raadalo doolung duuna Patmos emnamkolo melíkto kapeila ngo Shédíke agomem delokke Jisuke ibeng binam aruem pogooto.

¹⁰Ruutumke Longedelo ngo Aidlok yétuai, delokke ngokke méélamlo ngo bikul tapung muudut bottenako tatto.

¹¹De sikepe pokai, “No ingkuem kaadudí dem kakotlo attola delokke dem Kínít Mondoli, Ephesa, Smyrna, Pergamum, Thyatira, Sardis, Philadelphia delokke Laodikialo melíktola.”

¹²Ngom agom pona adudem kaasu kupe ngo kangkut sutoku. Ngéélat sula kangkut sudodelo, ngo uun meru kínítko kaato.

¹³Delokke meru kídar delo “Tanike oo kísanako” amiko, alelope píína ege gela delokke angkelo uun kiijin genako dakdo.

¹⁴Bíkke dumpong delokke dumídde muja kísape yalune, tapam kísape punname, delokke bíkke amigde eme dorna kísado.

¹⁵Bíkke alede mepomlo arem bangírnam kísado, delokke bíkke agomde dínggo odud kísado.

¹⁶Bíkke lakbík delo bí takar kínítko bomdo, delokke bíkke nappang delok orgíng annyie aarkana yoksako lendo. Bíkke mingmode asir ruuna doonyi angun kísado.

¹⁷Ngo bím kaasu yédem, sina kísape bíkke aledelo olíkto. Delo bí bíkke lakbíge ngokkíng pida sudola sikepe pokai, “Peso mapeka. Ngomino Yélen elang Yéyine.

¹⁸Ngomino turla duune! Ngo situai, delokke kaatola, ngo yénam daknam lope turla dung! Delokrongem ngo sinamlokke delokke tani amosokke sinam sabiem bomdung.

¹⁹Delok legape, no ingkuem kaatodí, supak kapedí delokke méélamlo kape iyédí dekedem attola.

²⁰Ngokke lakbíklo bomdope nokke kaatonam takar kínít delokke eerína uun meru kínít delokke eerína agomde simoko: Takar kínítde kínít mondoli sokke teyong kotoki kídíe, kínít merude Kínít Mondolie.