Read Alladian BEROK BINAM 8 Bible Online

BEROK BINAM 8 - Alladian bible

BEROK BINAM 8

¹Edílo bí kínít napena siildem iyatodí, teyong amotelo tapík rungkope adud kamape ito.

²Delokrongem ngo teyong kotoki kínítko Shédíke keralo dakdope kaato, delokke bulum bikul tapung kínítko bitung.

³Kumnana uun bati bomna teyong kotoki akonde aala delokke kumko baari delo dakdo. Paleng keralo uun baaridelo, Shédíke ami kídíem kumbo sukolo, uun batilok nampona atíeke bomla bím kumdope bitung.

⁴Shédíke ami kídíem lekope kumla, uun batilo nampona romnamde teyong kotoki alaglok Shédíke keralo píísangkai.

⁵Delokrongem teyong kotokide kumnana batidem laala, kumko baaridelok eme laalík geyéla among teyolo gelet líkto. Delo rímla rímla gumname, yaarie delokke mooton tarone tonto.

⁶Delo bikul tapung kínít bomna bíkke kotokide tapung mullenpe ito.

⁷Kerayalumke teyong kotokide bíkke bikul tapungem mullento. Delo tapíelang eme, iyyi soyélsula among teyoso okai. Amongem angum lokke ole akonem gupakto, esing emkom angumlokke ole akonem delokke yayiina nesi neyangem ukpakto.

⁸Annyi napena teyong kotokide bíkke bikul tapungem mutto. Delo bottepe eme dorna dííte kísanako siyéng asilo olíkkai. Siyénglokke angum lok ole akone iyyipe ikai,

⁹siyénglokke turkí ngakína angum lokke olekone siyinkai, delokke jaji kídí ole angum konem benpakto.

¹⁰Angum napena teyong kotokide bíkke bikul tapungem mutto. Delo debaruna takarko bijuli kísape dornako taleng telok asi korong lokke ole angum konlo delokke sirung kídílo olíkkai.

¹¹Takar delokke amíne morue. Asilokke ole angum lokke olekone kosange ikai, delokke kosange ina asidelo amie bojéko sikai.

¹²Appi napena teyong kotokide bíkke bikul tapungem mutto. Delo doonyi lokke, poolo lokke, delokke takar ole angum lokke olekonem ruruge igedope mutto. Longelokke ole angum lokke olekone angun kayimang, delokke yohlokkete dekepe ikai.

¹³Ngo aníí séríname teyong asarlo yopna pemíkone sikepe ulojérla pokai, “Gérmange! Gérmange Among teyosokke tani gérmange lendak, kapeila teyong kotoki angumkone bikul tapungem béédope mutpename lendakbong!”