Read Aghem Matìo 1 Bible Online

Matìo 1 - Aghem bible

Matìo 1

¹Kən lǒ mwàʼsò kəla kə taŋso sə tsughu wô ghê tsele a tselè Yɛso Kə̀lestò a te, Yɛso Kə̀lestò wəla ù fə̀ lo wàawɛ̀ ù Dɛvìd. Dɛvìd fə̀ lo wɛ ù Abə̀làhâm.

²Abə̀làhâm fə̀ lo tsele ù Aezìk, Aezìk n lo tsele ù Yàkɔ̂b, Yàkɔ̂b n lo tsele ù Dzudà ghèe ghê wàatsele gho.

³Dzudà n lo tsele ù Pɛ̀lɛ̂z ghèe Zɛlàh, zə̂ ù ghee n lo Tamà. Pɛ̀lɛ̂z n lo tsele ù Hɛzəlòn, Hɛzəlòn n lo tsele ù Lâm.

⁴Lâm n lo tsele ù Aminàdâb, tɔɔŋ tsele ù Nashɔ̀n wəla ù fə̀ kuūwn n lo tsele ù Salmòn.

⁵Salmòn ghèe wì u wə̄n Lahàp n dzə̀ wò Bôaz. Bôaz ghèe wì ù wə̄n Lût n dzə̀ wò Obɛ̀d. Obɛ̀d n lo tsele ù Dzɛssɛ̀,

⁶Dzɛssɛ̀ n lo tsele ù Dɛvìd wəla ù fə̀ lo də̀ŋ kò. Dɛvìd m bùghò dzə̀ wò Solomòn ghèe wìzən wəla ù fə̀ buʼù nîi tsəghà Ulìah.

⁷Solomòn n lo tsele ù Lɛ̀hobwàm, Lɛ̀hobwàm n lo tselè ù Àbidzà. Àbidzà n lo tsele ù Asàf.

⁸Asàf n lo tsele ù Dzɛ̀hoshāphàt, Dzɛ̀hoshāphàt n lo tselè ù Dzolàm, Dzolàm n lo tsele ù Uzìah.

⁹Uzìa ŋ kuuwn lǒ tsele ù Dzotàm, Dzotàm n lo tselè ù Ahàz, Ahàz n lo tsele ù Èzɛkìa.

¹⁰Èzɛkìa n lo tsele ù Mànasɛ̀, Mànasɛ̀ n lo tsele ù Amòs, Amòs n lo tsele ù Dzosìah.

¹¹Dzosìah n lo tsele ù Dzɛ̀konìa ghèe ghê waazə̂ à nûu ghò, an tì kəla ghe fə̀ dzûm nughù nduw ghee an naʼ e Babilɔ̀n.

¹²A m bùgho ghe sô lo am Babilɔ̀n aŋghəa ghe dzùm nduw ghee fughu, Dzɛ̀konìa n dzə tsughu Shɛltìɛl, Shɛtìɛl n lo tsele ù Zɛ̀lubàbɛ̂l.

¹³Zɛ̀lubàbɛ̂l n lo tsele ù Abìyùd. Abìyùd n lo tselè Ɛ̀liakìm, Ɛ̀liakìm n lo tselè Azòl.

¹⁴Azòl n lo tsele ù Zadɔ̀k; Zadɔ̀k n lo tselè Akìm, wəla ù fə̀ lo tsele ù Elìud.

¹⁵Elìud n lo tsele ù Eliazàl, Eliazàl n lo tselè Matàn, Matàn n lo tsele ù Yàkɔ̂b.

¹⁶Yàkɔ̂b n lo tselè Dzùghùsî, nùm ù Mèle, nughò wəla ù fə̀ dzə Yɛso wəla ghe tɔŋlo enyəa à lǒ Kə̀lestò.

¹⁷À fi lo enyəa alenìi nughù wô an tì kə Abə̀làhâm, bùghò kɔ̀ʼ tɛ̀ wò an tì kə Dɛvìd, à fə̀ lo kwôo tə aghì eghə̄m à ghè tò tə chìakò. Alenìi nughù wô an tì kə Dɛvìd wəla ù fə̀ lo Də̀ŋ kò, bùghò tɛ̀ wò an tì kə̀là ghe fə̀ dzûm nduw ghee am Babilɔ̀n, à lò sugho kwôo tə aghì eghə̄m à ghè tò tə chìakò. Alekòom nîi tsughu an tì kə dzuū kə ghee kən, bùghò tɛ̀ wò an tì kə Kə̀lestò, à lò alekpee sughò təkwôo èghəm à ghè tò tə chìakò.

¹⁸ Ghən lo ghəa dzə e Yɛso Kə̀lestò e fə̀ nî bəla ko a te. A fə bugho ghe kpôom naŋā tsughu zə̂, tɔɔŋ Mèle, â Dzùghùsî; â ghee alebùghò mughù dzəŋlo, ghe ŋ kòʼ tsùghu mò ù lò unʉghà mò à ghə̂əŋ Zuʼ tə̀ Zɔlɔ to.

¹⁹Ghəa nùm ù wə̄n, Dzùghùsî, màʼa fə̀ lo mò ù kì tsəgha mwām ù dzûŋ wò, ù n ləghaa sùghò yò aleniī fə̂m Mèle; ù ŋ ki am fə̂ŋ enyəa e nyɛʼɛ̄ zəghàa wə̄n ləmkə̀ləm.

²⁰Ghəa ù mòʼn ghəa yì èzə̀, tsə̀ndə̄ghā è Mughu ù te m bùghò dzɛ̀ â wə̄n an dzǒo enyəa, “Dzùghùsî, wɛ̀ ù Dɛvìd, kà tsəŋ dzə̀ alenì Mèle aŋ wī, bòʼ wɛ vʉ̀a ù ki an nʉ̀ghà, ù nùghù wò aŋ ghùu Zu tə̀ Zɔlɔ to;

²¹ ù lo dzə̄a wò wɛ ù nuu, ghù lo tsʉ tsughu zən e wə̄n zo enyəa à lò Yɛso; tɔŋlo enyəa ù kè bə̀ghasəa ghì a wə̄n aŋ ghùu bòo tə ghee to.”

²²Ghəa ghən fə̀ bala kə ni kɔʼ aleluesō tsughu lâŋ kə ushwaʼ u Mughu ù te wəla ghùwshʉ̀ghà fə̀ dzɛ̂ tsughu enyəa:

²³ “Kòʼ ma, ŋgɔ̀e è lì kê bɔ̀ŋɔ kɔʼɔ nù mò ù kǎam kwo yo wìnû; ù kè dzəā wô wɛ ù nùu, ghe kê tsʉ̂a tsughu ezən a te enyəa à lǒ Emanùɛɛl: Mo e moʼnlò enyəa: Zə̀ kə̀ lo sɛ̀ à ghee.”

²⁴Dzùghùsî n zòo è kɔʼ, bɔɔm ghəəŋ ndùw sùghò ghəa yia tsə̀ndə̄ghā è Mughu ù te mô dzɛ an dzǒo; ù n nì ndùw Mèle aŋ wī.

²⁵ Ù ŋ kè kuūwn ŋgəmso gaʼā kôʼ ùchʉ̌a ghèe wə̄n, alebùghò tâa wô an nə̀gha zəla ù fə̀ dzə wò wɛ̀ ù wə̄n ù nùu; Dzùghùsî n tsʉ̀ tsùghù sùghò zən e wə̄n enyəa à lò Yɛso.