Read Aghem 1 Kòlentìan 8 Bible Online

1 Kòlentìan 8 - Aghem bible

1 Kòlentìan 8

¹Êzə̄ŋ kùu ndùw fʉ̀ghàzəa wəla ghe ndûw kɔʼɔ fughu nduw â mùʼù mò, aŋghəa ghî à li a dzɛ̂ enyəa, “Sɛ̀ a dzəm kì nû tɔ wo.” Tɔ u ghəŋlo enyəa ghùw è kɔʼso ghue wo, ləgha zə e kuūwn dzəlā ghùw â səŋ zò.

²Abugho ghùw mòʼò enyəa e kwo ghəa è li zo, ù kǎam kwo dzə yo aŋ ghəa ù mò ki alekele a te.

³Abugho ghùw kuūwn ləghaa Zə̀ kò, Zə̀ kə ŋ kwo wə̄n.

⁴Yia a bugho ghəa à fʉ̀ghazəa ghəla ghe fughu nduw â mùʼù ò, a kwo nû enyəa, “Mùʼù mən biso tɔ̀ʼ kì yo fwàʼ kə̀ li ko fɛ am mbī.” Àsùghò enyəa, “A lò ko Kəzə̀ kə mɔ̀ʼ, kə li kə kôom yò dzə̂.”

⁵Ghəa e bûʼ lô ko enyəa fʉgha ù li u lo nû alelō alo kəwālā ŋkāa aŋ ghueekətsə̄ ghe tɔŋlo enyəa à lò uzʉ̀, nu kùmkùm zʉ̀ ù lo ndə̀m, ghê Mughubè yia a lô sugho ndə̀m.

⁶Â sɛ̀, à lò ko Kəzə̀ kə mɔ̀ʼ, Tsele ù te, wəla fʉgha wən ù dzəm sə aŋ ghùu wə̄n, sɛ̌ yia lô sugho mò à lǒ wə̄n, àsùghò Mughu ù te u mɔ̀ʼ mò à lò Yɛso Kə̀lestò wəla Zə̀ kə fə̀ gbə̂n wo fʉgha wo u dzə̀m am bàm e wə̄n, sɛ̌ yia mughù sugho mo a lo am bàm e wə̄n.

⁷Abugho e lô ko ênzə̂n, à yò dzə̂ aghî a dzə̀m ghe kwo ghəa ghən gho. Ghî à li gho, ghəa ghe lo mo ghe ŋ kwonlo aŋ ghəa a mùʼù, abugho ghe zəa fʉgha wəla ghe kûm fughu nduw â mùʼù mò; fə̂ŋ tə ghee tə n saʼa ghee, tə sô tughū yo, ghe m moʼò enyəa ghe ŋ ghue e ghee e dzəso.

⁸Fʉghàzəa u lo naaŋ dzə yǒ sɛ̀ tsəghatsəgha a vʉ̀a Zə̀ kò. Sɛ̀ gûuŋ yo fəgha kə li ko abugho a doʼkè zə, a kele sùghò yò fəgha kə li ko abugho a zə.

⁹Kuuwn nǐi kɔʼ ko nlò ghôom zò enyəa aŋghəa ghɛ̀ lo alendzə̀əm zə fʉgha wən wo ŋkāa ghɛ̀ ndzə̂əm tue alezə, enyəa e lô doʼn fàŋa ko â ghì ghəla ghe ki yô fə̂ŋ tò.

¹⁰Abugho ghùw wəla ù ki yo fə̀ŋ kôʼ wô ghû ghùw u tɔ̌ɔ ghù zəa fʉgha wəla ghe fughu nduw â mùʼù fò an tsughu e fə mùʼù, to ù kà bughò sùgho enyəa e so e zəa sugho fʉ̀aghàzəa u te wo a?

¹¹À fi daŋso lò enyəa tɔ wʉ̂a wə̀ ŋ ghùw wəla ù tɔ̀ʼɔ̀ tughuu yo boon màʼà, wàazə ù sɛ̀ wəla Kə̀lestò mò kpuw an tuw kə wə̄n.

¹²Abugho e lo êzə̀, ghùw fi ghəŋlo èbo â Kə̀lestò abugho ghù ghəə̄ŋ bo zo â wàazùghù, ghù ghə̂əŋ sùghò enyəa ù e kwo yo ghəa è dzûŋ zò ŋkāa è biigh zo.

¹³Abugho fʉghàzəa wəla Ǹ zəa ghəŋlo enyəa wàanùghò ghəŋlo èbo, à fi lo enyəa Ŋ kê kòom pfʉ̀ kòʼ yò nyòm aleghəŋlo enyəa waanùghù ù lì lò kôom bvʉ̂a alo ebo.