Read Aimol MATHIU 19 Bible Online

MATHIU 19 - Aimol bible

MATHIU 19

¹Jisun hiva chong rakip hi a ri sua phahan a man Galili a mak a Judia ram sunga Jordan va ralla alui hong.

²Hale mitamim an lui honga, hale hava mun han a man anmani ha an lui mandam.

³Pharisingai om ama jiang an lui honga, en sin ranga ama jiang anti, “I mo khat jarra numei mak hi chong jui lui mo ani?”

⁴Hale a man anmani jiang a shanga a ti, “Asinpu a man a phut na tak han pasal le numei anmani ha alui sin, tihi nang nin pama che u mo?”

⁵Hale a ti, “Hiva jarra pasal khat in a pa le a nu mak nata; hale a numei le kan chun nati han anmani anni ha tak khatjak chang nanti.”

⁶Hiva jarra anmani ha anni chang lai noni u tak-ha tak khat jak chang rang an ni jui. Ajarko Pathian in a manchunsa ha mi ning khuisen ma rase u.

⁷Anmanin ama jiang anti, “Ha aninko iruija mo Mousi in kansenpuina chongsan pe unlang kansenpuiru a ti?”

⁸A man anmani jiang a ti, “Nan lung a ngar reia nan numei ha kansenpuia analeijot peke; tak-ha a phut na han ko hi ang hin lui nimak.

⁹Hale kein nang ni jiang kati, tu aninom a numei ha mi khat le alui om ni lui a akansenpuia, hale a dang khat aneiret inko om pui salui chuan tho mi ani, hale tu aninom an kansenpuisa aneiret inko, om pui salui tho mi ani jui.”

¹⁰A thiamruoingain ama jiang anti, pasal khat in a numei le hi anga he rui asuak rang inko; in neiluilam asat.

¹¹Tak-ha a man anmani jiang a ti, “Hiva chong hi mirakip in lui tor ma u; tak-ha hivahi an peksa anmani jiang jak ani.

¹²Ajarko mi aviar in an nu vonshung tenna a tak kansinsa hong kanzir an om, a dang ko mi ning an sin, hale vanrengram ranga luhong lui om an om; hiva chong hiko a luitor rang a man lui rase” a ti.

¹³Hava suale a man a kut anmani chunga atet a lampe narang, naipangtengai ha ama jiang an hong tuang, tak-ha a thiamruoingain anmani ha an luiran.

¹⁴Tak-ha Jisun a ti, naipangtengai ha kei jiang hong rase u; anmani ha khap maru, ajarko vanrengram ha anmani ranga ani.

¹⁵Hale a man anmani chunga a kut a tetpea, hale hava mun tenna a che jui.

¹⁶Enru, mi an khat in a honga ama jiang a ti, “A sat oja kein a tor ti bui ringthengpet mu na rang imo asat chuan ka tho rang?”

¹⁷Hava han a man ama jiang a ti, “Iruija mo nang in kei hi asat tia nan nakui?” Tu khat om asat om ma u, tak-ha asat ko khat jak ke, hava ha ko Pathian ani, tak-ha nang in ring na han na mujot inko, chongpekngai ha juiro.

¹⁸A man ama jiang a ti, holam mo? Jisun a ti, “Nang in mi that jot noning, nang in mi numei om pui salui tho jot noning; nang in rukchuan tho jot noning, nang in ani lui shakhi chang jot noning.”

¹⁹Nang in na pa na nu ha chitlejak neiro, hale na inn ri mi ha na tak khat anga lungsiatro.

²⁰Reathar ha ning ama jiang a ti, “Hiva rakip hi kein reathar ka ni lai tenna ka hong jui ani; kein ka tho rang avatna imo a la om?”

²¹Jisun ama jiang a ti, “Nang in lungdo tung khat na chang jot inko; che in lang na nei rakip hongjuarro hale a riangngai jiang pero, hale nang in vanram ma nei nun nei nati; hale hongro, kanuk na hongjuiro.”

²²Tak-ha reathar ha ning chong ha a jet pha pongtak a kir jui; ajarko ama ha kanchonglian mi khat alui ni,

²³Hava suale Jisun a thiamruoingai jiang a hong ti, “A thianga kein nang ni jiang kati; a nei min vanrengram lut rang hi a tat,

²⁴Veikhatret kein nang ni jiang kati ani, a nei min Pathian rengrama lut nek a saringsei khat in simphuai kuarra ater ha ning abeidet.”

²⁵A thiamruoingain hivahi an jet pha, a tam tak an ngak a anti, “Aninko tu ning mo san ring na a mu tor rang?”

²⁶Tak-ha Jisun anmani jiang a hong en na a ti, “Hivahi mi jiang ko nitormak; tak-ha Pathian jiang ko i rakip anitor.”

²⁷Hava han Pitar in ama jiang a hong shanga a ti, “Enro kein in i rakip kan mak verra na nuk kannajui; hiva jarra kein in imo kan nei rang.”

²⁸Han Jisun anmani jiang a ti, “A thianga kein nang ni jiang kati; Mi Pasalnai in ama mahok na ongna han a ong pha, hava mirual sung han; kei anajui nang ni om reng ong na somleinia nan ong rang ke, hale Israel jat somleini jiang chongtan nati.”

²⁹Hale kei ka ming jarra, a inn, alui, ulenai, a pa, a nu a numei, a nai, animakle a ram, a mak rakip in; vei khat mu khir nanti u, hale a tor ti bui ring na mu nanti.

³⁰Tak-ha aphutnangai ha ning a torna tak ninanti, hale nukkeingai ning masat ninanti.