Read Aimol MATHIU 27 Bible Online

MATHIU 27 - Aimol bible

MATHIU 27

¹Jingtiang a hongni han thiampulian rakip le, ulian mirakip in Jisu hi that na rang chong an kan siamjui.

²Hale anmanin ama ha anchura an tuanga ram vaihom Pilat jiang an hong pek jui,

³Hava suale ama alui pekpa Juda ning ama ha adik lui anmanni ha a mu a, alim akansirra ruphai somthum ha thiampulianngai le ulianngai jiang a hong choi khir jui.

⁴Ahongti “Kein mi dik thina rang ki pek kei siatna ka tho jui,” han anmanin anti, “keinin hava imo kan ngaidon rang nang in hava jetro.”

⁵Hava suale a man biakinn sunga a thiang mun han ruphai ha a dengjuanna a suak jui, hale a chea a hong kan khit that jui.

⁶Tak-ha thiampulianin ruphai tetna mun na tet rang hi dan chong jui lui ani, “Ajarko hivahi thisen manke.”

⁷Hale anmanin chong an kansiama, khuolmingai kanrenarang belsinpa phai lui anchok na jui.

⁸Hiva jarra hava phai lui ha “Thisen phai lui” tia a tun tunga an la ti.

⁹Hava han tashanthei Jeremia ning alui ri chong ha a tung jui alui ti, “A ma a man ranga Israel naingai ning a man an luiheisa ruphai somthum ha anmanin an lui jui.

¹⁰Hale puman kei jiang ana ripe anga, anmanin belsinpa phai lui chokna an pek jui.”

¹¹Atun Jisun ram vaihompa mai kung a angirjui hale ram vaihompan ama jiang a dingkel la a hong ti “Nang Jiwngai reng mo na ni?” Hava han Jisun ama jiang a ti, nang in na iti ha ani.

¹²Hale thiampulianngai le ulianrupngain ama chunga siatna an hong ri pha ha nom, a man chong khat om lui shang mak.

¹³Hava han Pilat in ama jiang a ti, “Anmanin na chunga shakhi tam tak an hong tihi nang jet ma che mo?”

¹⁴Hale a man chongkhat om ama jiang lui shang mak han vaihompan a tam tak alui ngak jui.

¹⁵Kan na ut ni han ram vaihompan mitamngain an dei, ren inna om khat ha anmani jiang amasuape hi ama balam alui ni.

¹⁶Hale anmani renin na a om misatlui Barabas anti hi hava pha han alui om.

¹⁷Hiva jarra anmanin an kan chun na an om pha han, Pilat in anmani jiang a ti, kein nang ni ranga tu ha mo ka masuorang? Barabas mo animakle Khrista anti Jisu ha mo?

¹⁸Ajarko anmanin enlaljarra, ama ha an na pe ke tihi a manjet.

¹⁹A man chongtan na ongmun han a hong lai han, anumein ama jiang chong a hong tirra a hong ti, “Midik mi jiang han nang in i om tho maro, ajarko ama ruia ve en ni kamanga a tam tak ka lui pong.”

²⁰Tak-ha thiampulian le ulianrupngain, Barabas ha an lam rang, hale Jisu ha manmang ranga mitamngai jiang an lui masiat.

²¹Ram vaihompan anmani jiang a hong shanga a ti, “Anni sunghin kein tu lam mo nang ni ranga nan dei?” Anmanin an hong ti Barabas tia an hong khek.

²²Pilat in anmani jiang a hong ti. “Khrista anti Jisu ha kein imo kilorang?” Anmani rakip in ama jiang anti, ama khros hin thatru.

²³Han ram vaihompan a ti, “Iruia mo; a man a satlui imo a tho jui?” Tak-ha anmanin a khel la an khek an hong ti, “A ma ha khros a thatru.”

²⁴Pilat in i om tho tor lai making tak-ha hava rahut mitam an hong kan nok jui ti ha a hong mu pha, a man tui alui a mitam madonna a kut a rasuk a hong ti, “Hiva mi dik thisen jarra kei siatna nei making; nang ni nan tum chang rase.”

²⁵Hale mirakip in an hong shanga an hong ti, “A ma thisen ha keini le kan naingai chunga hong chul rase.”

²⁶Hava suale a man Barabas ha anmani ranga amasuopejui, hale Jisu ha a man adik khana avebak khros that ranga apejui.

²⁷Hava han ram vaihompa ral mingai ning Jisu ha Praetorium sunga an tuanga ralmi rup rakipin amasirra an kan chun jui.

²⁸Hale anmanin a puon ha anlikpea, hale puon senjap an manshijui.

²⁹Anmanin ling lu khu khat anphanna, ama luchunga an man hupjui, hale a kut chang tiang han tuaitung khat an man lek; anmanin ama mai kunga an khup an bilinga an nuisoa an hong ti, “Jiwngai rengpa chubei kan na buk,”

³⁰han anmanin ama ha an chilthuan hale tuai tung ha an lui a alua an vejui.

³¹Han anmanin ama ha an nuisoa, puon senjap ha an likpekhirra, a puon len ha ama jiang an mansijui, hale ama ha khros chunga that na rang an tuang jui.

³²Atun anmanin an hong suak han, syrene pasal an khat a ming Simon anti an mu jui; anmanin ama ha an nam chan na Jisu Khros ha an man choi jui.

³³Hale anmanin Golgotha anti “Lusaru mun” tia an kan jet na han an honga,

³⁴anmanin ama jiang amitkhale an manjel darkha tui in ranga an pek jui, tak-ha hava ha atem karra injot laima.

³⁵Hava suale anmanin khros chunga an that hale anmanin a puanshi an ektherra rashi an kan en na jui tashanthein alui ri ha tung na ranga ani, “Ka puan si anmani karra an lui kan sem, hale ka puan jarra rashi an lui kan en.”

³⁶Anmanin Hava han an onga ama ha jallui a anluirunga an lui om.

³⁷Hale ama siatna an man nei na chong a jiak saha ama aluchung han an khaijui, “Hivahi Jiwngai rengpa Jisu ani,” a ti.

³⁸Hava han ama le kan ruaia a ruktho anni, an khat in chang tiang an khat in veitiang khros chunga an lui khai suam.

³⁹Hale a sirra akanlon anmanin esella an nuisoa an lu an lui vokjui.

⁴⁰Hale an hong ti “Biakinn manmang tor le ni thum sunga sin khir tor, nang na thei jak kan san maro nang Pathian pasalnai ha naninko, khros tenna juang chumro.”

⁴¹Ha ang han thiampulianngain, dantheingai le ulianrupngai le kan ruaia an nuisoa anti,

⁴²“Adangngai ko a man a san ring, a thei jak ko a man kan san ring torma; ama hi Israelngai reng aninko, a man khros tenna a tun hong chum rase, hale kein in ama ha takngai kan ti.

⁴³A man Pathian tak a ngai, Pathian in ama ha a nai aninko a tun hongsan rashe, ajarko a man kei Pathian pasalnai ha ka ni a ti.”

⁴⁴A ma khros an thatsuam, a rukngai nom ha anga jak na pek chonga ama jiang an lui ti.

⁴⁵Atun dar ka ruk pha tenna darkuo pha khan, simlei pumpui a jing jui.

⁴⁶Hale darkuo tang han Jisun rasaring tak a hong khek a ti, “Eloi, Eloi, lama sabachthani.” ka Pathian, ka Pathian, i ruia mo nang in kei hi na na mak jui?

⁴⁷Hava hanna alui ngir anmani alekin, hava ha an jet karra anti, “Hiva mipa ning Elija ha a kui.”

⁴⁸Hava phalai tak han, anmani karra an khat in a tan na, langpar alui a hale athurri sunga aphumma, tuaitung khat han a khit dea ama ha in ranga apejui.

⁴⁹Adangngain an hong ti, atheia om rase, “Elija ning ama san ring na rang a hong mo kein in enrei”

⁵⁰Jisun rasaring tak a hong khekret a hale a thi jui.

⁵¹Hale enru, biakinn sunga a thiang mun na an duang puan ha, a chung tak phut a thuaitung khan na herni a kan ektherjui, hale simlei om ning nu a kan nikjui hale pialung om apuak khuijui.

⁵²Hale than nom a kan longjui, an lui jal a thiang mingai takruangngai om an thui khir jui.

⁵³Hale a man a ring khir suale, than tenna anmanin an hong suak a thiang khopuilianna an lut mitam jiang an man kan mu jui.

⁵⁴Jisu aluirung ralmi riakhat neipu ama le a kan ruoipuingain, ningnu kan nikle, a i suak rakip ha an mu karra, a tam tak an chit an hong ti, hivahi Pathian pasalnai takbal ani.

⁵⁵Hale a lak det numeitamngain an lui en na, hava han an lui om; anmani ko ama asepa tho Galili tenna Jisu nuk hong jui ngai an lui ni.

⁵⁶Anmani karra Meri Magdalen, Jems le Josep a nu Meri hale Zebedi a naingai an nu alui kan chel.

⁵⁷Nitak tiang a hongni pha, Arimathae khuo kan chong pa, Josep atakinnom Jisu thiamruoi alui chang ama alui hong.

⁵⁸A man pilat jiang a chea Jisu tak ruang ha alui lam, han Pilat in tak ruang ha ama jiang pek ranga chong alui bejui.

⁵⁹Hale Josep in tak ruang ha a luia athiang puon nalhan achunjui.

⁶⁰Hale a man lunglian khat avit ashinthar athan sunga alui phum, thankhur maihan lunglian khat alui kharra a che jui.

⁶¹Hale Meri Magdalen le a dang Meri ha ning, than hale kan enphet hava han an lui ong.

⁶²Jinga, ti ko kan ningna nikhua suale nikhuo han, thiampulian le pharisingain Pilat jiang an hong kan chun jui.

⁶³An hong ti, “Oja, mi leiseipa ning a ring lai han, nithum suale ka ringkhir rang ke alui ti ha kein in kan hong ngaidon.

⁶⁴Hiva jarra ni thum khana asat rung na ranga, chong na be pero, animak inko a thiamruoingain an honga anruk bak, ama ha a thi ngai tenna a ringkhir jui ti nanti u; hiva jarra a phut na leisei nek, a torna leisei hi ning khel la hong sat mak a jot.”

⁶⁵Pilat in anmani jiang a hong ti, a ngak ranga tu ang khat man cheru, nang nin nan jet nuk jui asat a rung rase u.

⁶⁶Hava han anmanin an chea lung ha seal an namma hale than ha asat an man ngak jui.