Read Aimol LUK 18 Bible Online

LUK 18 - Aimol bible

LUK 18

¹Hava suale Jisu ning a thiamruoingai jiang tetan na ankhat aripe, Pathian lamna ruia hale an lung a sin mak na ranga.

²“Khopui a khat a chongjenpu ankhat alui om, ama ha Pathian ha chitna lui neimak, hale miringai hi om chitlejak lui neimak.

³Meithainu khat om havaram sung han alui om, ama ning a male lung kanhui lui mingai ha tor thei na ranga hiva chongjenpu jiang a honga ama aenda ngaiha puk nasak pero avatichak.

⁴A man phat bongkhat ko luisang mak apuk leisak pe mak, tak-ha hava suale a man a ngaidon na, kei Pathian kachitmak an in nom,

⁵hiva Meithainu ning kei hi ina nok, a man ani tin kei hi a na man pong mak na ranga kein a mahi apuk sakpe takati alui ti.

⁶Ngairu chongjenpu ning imo a ti?

⁷Pathian jianga sun le jan na nasanro tia akhekngai jiang ko Puma ning jet pe noning mo?

⁸Kein nangni jiang nati rong, Pathian in anmaningai ha a rak a sannati, tak-ha Mi Pasalnai han a hong karra ramuolla takngai miko muna timo?

⁹Hingahin asat kanrol mingai hale adangaiko ikhat jet ma u tia a lui ngaidon mingai jiang om Puma ning hiva tetan na hi aripe.

¹⁰“Miring anni ning Pathian lam ranga inthianga anlui hong, an khat in Pharisi ani, hale ankhat lam ha khasana chom ani.

¹¹Pharisipa han a kan ti, Pathian kei ko nang hi chubei ka na buk, kei ko khasana chom mi leisei a nilui tho, minu a jong ka lal mingai anga ni making, hale khasana chompale om kan angma king.

¹²Kei ko hapta khat sunga bu veini kangei, kei ning ka mu sunga semsomma sem khat om ka pek”.

¹³Han khasana chompan a lak det a omma chung tiang a enna a rop abenna Pathian alui lam, “O Puma kei hi siatnei ka ni, kei hi na ngaidamro na lungsiatro.”

¹⁴Kein nang ni jiang rikati, a dang tu om nimak, a man a thei jak a man kan lian na a inna a che jui, minek om kadik a kan ti, ajarko a man kan lian a mahan miduklut nati, hale a man kan sin miduklut a mahan man lian nati.

¹⁵Mi aviar ning annaite ngaiha Jisu jiang phual lam ranga an lui hong tuang. Thiamruoingain an mu karra anmani ha an not chaijui.

¹⁶Han Jisun naite ngaiha akuia a ti, hiva naipangngaihi hong rase u. Khap maru, ajarko Pathian rengram hi anmani ranga ani.

¹⁷Ngaidonru; tu angkhat ning naipangai anga Pathian rengram ha anluimak aninko Pathian rengram han lutchil noni u.

¹⁸Kanchongpa ankhat ning Jisu jiang chong a dingkel, “Adik Puma ije ka tho le kumsot ringna ka mu rang”?

¹⁹Han Jisu ning a sang, “Ijarra asat adik Puma na nati”? Tu khat om adik asat om ma u, Pathian ni luia.

²⁰Nang in chongthingha na jet juimo? “Numei ani luia Kalal, mi that maro, na pa le na nu ha chitlejak neiro”.

²¹Kanchongpa han a sang ‘Kei ning naipang ka chang lai tenna hiva chongngai hi kaluijuisa ani’.

²²Hava ha Jisu ning a jet karra ama jiang a ti ret, “Nang in nitholui khat a la om, na nei rakipngai ha juar in lang a riang aroi ngai jiang sempero, nang in vanram ma na lal na thum om nati, hale hongro kanuk na juiro”.

²³A man hava chong a jet karra a tam a pongjui, ajarko a mahi a tam a nei kan chongpa alui ni.

²⁴Jisu ning a pong ha a mu karra a ti pe, ‘a nei kan chongpa ning vanram ilutranghi i duk a itatmo ani?’

²⁵Kanchong ngai ning vanram ma anlut nek inko saringsei ning simphuai kuarra ilut lamin abaidet.

²⁶Mingai ning an jet karra an dingkel, hanga aninko tungai hamo kumsot ringna ha an mu rang?

²⁷Han Jisu ning alui sang, “Mingai jiang anitorlui ha, Pathian jiang ko anitor”.

²⁸Han Pitar in a ti, ‘Enro kein in i rakip kan mak a nanuk kannajui ani’.

²⁹Han Jisu ning anmani jiang a ti, “Kein nang ni jiang a thianga narirong, ‘Pathian rengram ranga, an Inn an lui, annumei, an u an nai, an nu an pa, rakip ha an mak aninko,

³⁰a tunna an nei nek a hong rang Juk ringkhuohin a tam anneidet rang ani amongtibui ringkhuo ha an murang ani.’

³¹Hava suale Jisu ning thiamruoi somleini ngai jiang a ti, “Enru keinin Jerusalem han chekanta Pathian chong lui ri ngai ning an lui ri anga Mi Pasalnai chunga i la hong tungver rang ani.”

³²Ajarko a maha jatdangngai jiang peklut nanta mi ning anla mariam rang ani, hale venanta, nuisole kan ruaia chil sathuan nanti.

³³Han ama ha venanta that nanti tak-ha nithum suale a man ila hong ringkhir rang ke.

³⁴Tak-ha anmanin hiva ngai hi luijettor ma u, alui ripe chong ngaiha anmanin imo a tina tihi jetphak tor ma u.

³⁵Hingahin a mitdel khat ning lam lian kolla bu a lamma a om ha Jisun Jerikho tiang alui hong han a mu jui.

³⁶Jisun hingahin acheha a mu karra tumo ani tia mitam jiang alui dingkel.

³⁷Han anmanin ama jiang an luitipejui, Nazaret Jisu a hong ani.

³⁸Han ama ning rasa suak ahong khek, “O David a nai Jisu, kei hi na lungsiatro;

³⁹Mitamngai ning ama ha khek mak narang an luiran. Tak-ha, a hong khek det rasa ring tak, David anai Pasal! Kei hi lungsiatro.

⁴⁰Han Jisu ning a ngirra a maha hong tuangru a ti, ama jiang a hong han Jisu ning ading keljui.

⁴¹Riro nang in kei hi imo nana man thojot? A ma ning a ti, Puma kei a var kamujot”.

⁴²Han Jisu ning ama jiang a ti, “Avarha mutaro, tak na ngai jarra damtaro”.

⁴³A ma ning hava laitak han a var a mujui, hale Jisu nuk a juia Pathian ha alui manpak. Hava han a luiche mitamngain an mu karra Pathian an manpak jui.