Read Aimol LUK 21 Bible Online

LUK 21 - Aimol bible

LUK 21

¹Jisu ning a en karra a nei kanchong pa khat ning asekuia peisa a keisua katna mun na a deng juan ha a mujui,

²hanga han a riang meithainu ankhat innom asekhui han peisa anni jakte a hong kat ha Jisu ning a mu,

³han Jisu ning a ti, “Kein nang ni jiang a thianga ka nari ani, hiva ariangnu tak ning a dangngai nek om a tam a pek ani”.

⁴Ajarko anmanin anpeisa aliamha an hong pek ani, tak-ha hiva meithainu ko ineisalep, ahong choipet ani.

⁵A thiamruoi aviarin biakinn hi iduk asat mo ani, lungai hile phurkat na ngaihi en jot rang a om tia an lui ri han Jisun anmani jiang a ti.

⁶“Hiva nan mu ngaihi hiva mun tenna om lai noning, lungai hi lung an khat in an khat chunga kanve khailuia om lai noning.”

⁷Anmanin an lui dingkel; ‘Puma itikmo ahong ni rang?’ a hong suak rang pha ha kein in ija mo kanjetor rang?

⁸Jisu ning a sanga, nang ni kan ning theirui; ajarko kei ka minga mitamtak hong nan ta aphat ha ahong tung jui, a maha kei kani hongtinantiu, han, nang ni ning anmani nuk jui maru.

⁹Nang nin ral le pong khodengtheina nan jet kar han, chit maru, ajarko hiva ngaihi man a suak rang ani, tak-ha a torna ko nilen noning.

¹⁰Han Jisu ning a ti, jat khat ning jat khat chunga reng khat ning rengkhat chunga,

¹¹hale ningnu angar angar ahong kannik rang ke, a mun rakip chak rang nek rang mu noni u, hale rile rai a tam tak le chitna om tak chungvan tenna la hong nati.

¹²Hiva rakip a suak suale nang ni ha na chur nanta na manpong nanti. Anmanin nangni ha inn thiang tenna pong na mun ren inna an na thunrang ani, kei karuai ngai nangni hi rengai madonna an na latuang rang ke.

¹³Nang ni nan ngir torna ranga hiva ngaihi ila hong suak rang ani.

¹⁴Han nang nin kansang rang chong hi lakanning masing tia nan ning man dong maru.

¹⁵Kein nang ni mur sunga chongsat chingna ha ka na pek rang ani, nang ni a na enda ngai ning nator noni u.

¹⁶Nang ni ha nan nu nan pa, nan u nan nai nan sa kei ning ten nom na pek lut nanti u, hale nang ni ha nathat nanti.

¹⁷Hale nang ni ha mirakip ning kei jarra na matir nanti u.

¹⁸Tak-ha nang ni nan lu chunga sammal khat jak om mang noning.

¹⁹Nang ni nanduirat jarra ring na nan mu rang ani.

²⁰Hinga hin nang nin Jerusalemha ralmi ning anhil jiak nan mu karra Jerusalem imang na rang hi a nai jui tihi jetru.

²¹Han Judia sunga omngai ning tangbung tiang tan rase u, khopuia a om ngainnom ankhopui mak rase u hale khuo sunga a om anmani jiang chemaraseu.

²²Ajarko alui kan jiak rakip ha a hong tungtheina ranga, a phu lui ranga nikhuo ha hi ani.

²³Avon sunga naichoi, ranu a la in naitengai ranga iduk mo ning dong na ani, ajarko ramuol hi omchan atam sat lai noning, mingai chunga Pathian lung thakna hong tung rang ani.

²⁴Mi aviar ko chemseija that nanti, anmani ha jat rakip jiang pek lut rang anni jui, jatdangngain an tormak karje Jerusalem hi jatdangngai kut chunga omrang ani jui.

²⁵Hale ni le sortha, arsi jiang jetna neirang nan ni jui. Ramuol pumpui le tuionglian tui kan nok han tuilom suak na ta jat rakip khodengtheina la mu nanti.

²⁶Imo a suak rang tihi anchitrei jarra mingain chitrei nan ta kiaknanti, hale chungvan na ranak han anmani ha aman kannik rang ke.

²⁷Hava phat han mi pasalnai ha Lian puina, ranak le kan ruaia sum phai tenna a hong chumha anmanin an mu rang ani.

²⁸Hingahin a hong suak karra nang ni ning nan lu dom in lang enru; ajarko nang ni sanring na phat ha a hong nai jui ani.

²⁹Han Jisu ning anmani jiang a ti, “Theichang kung le thing kung rakip ha enru,

³⁰thing kung rakip ning anathar a hong suak phale nang nin nan jet, kholum pha a hong jui.

³¹Hinga hin chuan rakip a hong suak pha han Pathian rengram ha anai jui tihi jetaru.

³²Kein nang ni jiang athianga ki na ri ani, hiva rakip a suak suamaje hiva mirual ngai ning thina om noning.

³³Vanram le ramuol ko ila mang rang ke, tak-ha kei kachongko mang chil lai noning”.

³⁴Nang ni kan ning theiru; nantak ha chak le nek, ju ruia, ija mo kan om rang tia nan lung man kan nok maru, hiva nikhuo hi jet lui thai lui a chang a man kan khit mak na ranga kan ningru.

³⁵Ajarko ramuol chunga a om miring rakip chunga hong ni rang ani.

³⁶Hiva jarra a hong suak rang chunga kan khel na rang, hale mi pasalnai han a hong karra ama madonna ngir torna ranga phat rakip a kan ning theiru.

³⁷Han Jisu ning sunracham Pathian innthianga alui manchu, tak-ha jannako ama ning Olib tanga ache a alui riak.

³⁸Hale Jingtiangman hin mitam ning innthianga an honga Jisu chong ri ha an ngaijui.