Read Aimol JOHON 4 Bible Online

JOHON 4 - Aimol bible

JOHON 4

¹Jisun Johon nek a tam lam mitam tui amanlut a athiamruoingai a tam a sin jui tihi Pharisingain an jet jui, ti chong Jisun alui jet.

²Adik tak a, Jisu a tak tak in tu khat om baptais manthomak, atirlon ngain an tho ani.

³Hava phat han, Jisun Judia ram a mak a Galili tiang alui kanlejui.

⁴A man aluikanle tiang Samarija ram sunga khopui ankhat sychar anti han a tung jui. Hava mun ha Jakob in a pasalnai Josep jiang iluipek ram a her kolla ani.

⁵

⁶Hava mun han Jakob tuikhur an khat alui om, Jisun lam ma alonhan aluipongjui. Hava tuikhur sirra han a ong jui, hava pha sunchimlai tak alui ni.

⁷Samarija numei khat tui thallang alui hong, Jisun a ti, “Inranga tui napekro.”

⁸Thiamruoingai khuo sunga nek ranga phurchok an lui che.

⁹Samarija numei han alui sang, ‘Nang Jiw khat na ni chak a kei Samarija kei jiang ijarra mo tui in ranga ninalam?’ Ajarko Jiwngain Samarija mingaihile kansit chak le inna kan chun jot mak.

¹⁰Han Jisun aluisang, “Nang in Pathian kutchoi pek ha na jet, hale tui in ranga ana lui lam a maha na lui jet aninko, nang in ama jiang ni lui lamrang ani. Hale a man ringnatui inalui pek rang ani.”

¹¹Numeihan a ti, “Puma nang in luak na rang i om nei mak che, hale tuikhur hi om athup; hava ring na tui ha hon mo ni lui rang?

¹²Kan pa kan pu Jakob in hiva tuikhurhi a na luipekjui; ama le a naingai, hale innsial ngainom hin na an phut tui an lui in, ama nek a nangmo niliandet?”

¹³han Jisun a sang, “Tu achang innom hiva tui a in rakip in antui vei khat ralret nanti,

¹⁴tak-ha tu a chang innom kei jiang an phut kipekrang tui a in miha a tui veikhat antui ralret lai noning; kei ki na pek rang tuihako, ki pek mi a tak chunga a torti buia i hong suak tuiril put anga hong chang nati.

¹⁵Numei ha ning a ti, Puma, katui veikhat aral mak na ranga, hava tui ha napekro.”

¹⁶Jisun numeinu jiang a ti, “Cheinlang napasal hong tuangro, hiva mun hin.”

¹⁷Numei ha ning a sanga, “Kei kapasal Kalompa nei making,” Jisun a ti ret, “Nang in Pasal na lompa nei making natihi adik narijui;

¹⁸Nang in lompa ranga na nei, atun niompui miha na lompa adik tak ha nimak; nang nari ha adik khet ani.

¹⁹Han numeinuhan a ti, “Oja nang Pathian chong phuang khat na ni tihi ka jet.”

²⁰Kan pu kan pa ngain hiva tangbunga hin Pathian an lui lam, tak-ha Jiw nang nin, ‘Pathian lam na rang a mun ha ko Jerusalem ani’.

²¹Jisun numeinu jiang aleiti, “E numei, tak nangairo. Mingain hiva mun na, Jerusalem ma aninnum na pa lamak rang a pha i la hong rang ke.”

²²Nang ni Samarija min nan jet chilluiha chubei nanbuk, keini Jiwngai tu mo chubei kanbuk ha kan jet, ajarko Jiwngai jiang an phut ringnahi i hong ani.

²³Tak-ha a pha a hong tung jui, a tun nom alani, adik chubeibuk ngain Pathian ha adik tak le thavanga lam na rang pha ani jui, hinga chubeibuk rang hi Puma ning a dei ani.

²⁴Pathian hi thavang ani, hale ama chubeibuk mingain adik le thavang chubei anbukrang asuak.

²⁵Numeinu han Jisu jiang a ti, “Khrista anti Mesaia ha ahong rang ka jet; ama ahongphale i rakip na man jetnati.”

²⁶Jisun alui sang, “A ma ha nang jiang chong a ri ha ani.”

²⁷Hava lai tak han a tirlonngai ha an lui hong tung jui, hale anmanin ama numei an khat le an kan biakha an mu han an lui ngak, aninnum, tu khat innom numeinu ha, “Imo na dei?” Luitimau, hale Jisu jiang, “Ita mo ama nikan biakpui?” Tiom dingkel ma u.

²⁸Hava phat han, numei ha ning atuiphul a mak a rak tak a tan na a chea mingai jiang alui ti,

²⁹“Kein kiluitho rakip a renga anajetpet miso hong in lang hong enro! amaso Khrista alui ni rang mo?”

³⁰Anmanin khopuia an phut an hong suak Jisu jiang anlui che.

³¹Hava lai tak han thimruoingain Jisu jiang an hong ti, “Oja, bu hong nek taro.”

³²Tak-ha a man alui ti, “Nang nin nan jet lui bunekrang kei ka nei,”

³³Hiva jarra Thiamruoi ngain ankhat le an khat an kan biak, “Tu ang mi ankhat in bu nek rang nan hong choipemo?”

³⁴Jisun anmani jiang a ti, “Kei bu ha ko anahongtirpu lungdo athopu, ama chuan asat ithotor ngai hake anni.”

³⁵Nang nin, chang atnarang thamanli ala om, nanti, kein nariperong; Nanlu dom in lang khua thir in lang luiso enru; “chang aminsuajui, atpha a tung jui.”

³⁶Chang atpu han chuan sin loman amu, hale kum sot ring na rang chang ha aman chun; Hale alingpu le atrangpuha ningsat na ranga ani.

³⁷Ajarko “Mi ankhat in a linga, midang ankhat in a atke ani,” tihi adik ani.

³⁸Mi dang khat in chuan an luisin ha, nang nin chuan nansin mak na luimun han chang atranga kein nang ni kinatirke; Anmani karra nang ni ning a nem na nan mu jui ani.

³⁹Numeinu han, a luiti, “A man ka lui tho chuan rakip inaleiripe jarra Samarija khopui mitam tak in Jisu ha tak an ngai jui.”

⁴⁰Hiva jarra Samarija mingai ha Jisu jiang an lui hong, ama le om suam ranga an luiti phan Jisun anmani le nini alui om pui.

⁴¹Mitam lamin Jisu chongrijarra tak an luingai.

⁴²Anmanin numeinu jiang anti, “Keini tak in a chong ri kan jet jui, a mahi ramuol la san ring neipu adik tak ani kan jet tak kan ngai ani.

⁴³Hava mun han Jisun nini a om suale Galili tiang alui che jui.

⁴⁴Ajarko Jisu a tak tak in a ti, “Pathian chongphuang an khat hi ama ram sung min chitlejak luinei ma u.”

⁴⁵A man Galili a tung phat han, mingain an luidon, ajarko anmani tak innom kanna ut ranga Jerusalem ma an lui chea Jisu chuan rakip ha an lui mu.

⁴⁶Hiva jarra Jisun tui ha Ju iluiman chang na khuo Galili ram anti kana han aluikirjui. Hava ramma chuanput mi ankhat Kapernahumma a om a nat nai an khat alui om.

⁴⁷Hava mi han Judia ram ma inphut Galili Jisu jiang achea, anai thi ranga atho a om ha mandam na ranga kapernahumma hong na rang alui dingkel.

⁴⁸Jisun ama jiang a luiti, “Chuanlian an khat om angakpa chuan ngai nan mu mak aninko tukhat innom takngai na neino niche u.”

⁴⁹Chuan thopu han a ti, “Oja, ka nai athi mak ma hongro che ri.”

⁵⁰Jisun alui ti, “Chero, na nai aringrang ke!” mipahan Jisu chong ri a tak a ngai a a che jui.

⁵¹A inn lam tiang akanlea achehan lam ma asuak ngain an kan tongpuia an luiri, “Nanai ha ring rang ani jui.”

⁵²Jisun ama jiang a ti, “Nanai ring rang ani jui.” Aripha tak han a pan ngaidon na alui nei. Hiva jarra ama le a inn sung mirakip in tak an lui ngaijui.

⁵³Pasal ning a hong ngaidonjui hava phat ha Jisun alui ti phat tak-ha alui ni.

⁵⁴Hivahi Judia ram ma inphut Galili ram ma ahongsuale Jisun Chuanlian veini chang na alui tho ani.