Read Aimol TIRLON 24 Bible Online

TIRLON 24 - Aimol bible

TIRLON 24

¹Nikhuo ranga suale thiampulian Annania le ulianrupngai an khat om chong ri thei dan oja a ming Tertula, anmani le an hong kan ruaia Kaisaria hin an hong chumma vaihom Felik maikung a Paul anjotluina chong ha an ri jui.

²Han Paul ha ankuia Tertula ning ama chunga ijotluina chong ha hingahin a hong ri; “O, chitlejak om Felik; nang jarra kein in a hip a dai tak kan om, hale nang chingna theina ninei jarra keini jat ranga asalui ngaiha nana mansatpe.”

³Keinin a tam tak kan na manpak le kan ruaia munrakip le pha rakip kan ning anasatpui, kan nalianpui.

⁴Kei ning nang a pha manmang jot making, hiva jarra lungsiat na mu in lang keini kan chong ri hi na ngai pero.

⁵Ajarko hiva pasal hi ning mingai kansesuana a var, hale ramuol pumpuia Jiwngai om na rakip herui man suak an khat om Nazaretngai chuan var na nuk juia lam kaipu mi ke tihi kein in kan jet.

⁶A man Pathian biakrup ha manmang rang a tho hiva jarra kein in kan chur.

⁷Tak-ha lamkei ulian Laisia ning ahonga a mahi keini kutchung tenna anasutjui.

⁸Hale ama a jotlui rakipngain nang na maikunga cheru tia chong a na pek, hiva jarra kein in a mahi non tak kan man om chong rakipngai hi nang in ama jiang na dingkel inko nang in ni jet rang ke.

⁹Jiwngai ning om a ri chong rakip ha anitia anluihongti.

¹⁰“Rom vaihompa ning Paul dingkelro tia an hong nok pha han Paul ning a hong sang; nang in kumsot hiva jatngai chunga chongtan na rang a neipu na hong chang tihi kein ka jet; kei kan san thei na chong a huia na mai kunga rina nei kati.

¹¹Kein Jerusalem ma Pathian chubeibuk na ranga ki va che hi nikhuo somleini lakhelmak tihi nang in nom na jet tor.

¹²An khat om kein tu angkhatle chong kan kherna kan nei animakle mitamngai ha kein Pathian biakrup sunga helebai kimansuak, Sainagok sung han nom hale khuo sung han nom anmanin na mu ma u.

¹³Atunhin anmanin kei an na enda jarra chong an ri rakip hi nang na mai kunga adik tak balke tia praman na pek tor noni u.

¹⁴Aninnom kein nang jiang ki na ri dan chong pek sunga ani rakip le Pathian tashantheingai rabu sunga ikan i rakip ha tak nangaija, anmanin ani lui lam anti ha a nuk ka hong juia kan pa kan pungai Pathian ha chubei ka hong buk.

¹⁵Midikngai le midikluingai ning om an thi nom an ringkhir tia anmani tak in nom an jot ha kei ning Pathian tianga jet chiak kan ngaidon lungdo ka nei.

¹⁶Hiva jarra kei ning Pathian tianga le mingai jiang a pha rakip asat chuan jak tho na ranga ka kan siat.”

¹⁷“Kumkhat kumni athengsuale kei ning ka jatngai jiang kutchoi pek ranga ka hong jui.

¹⁸Hiva phasunghin mitam le om kan ruai luia, mi le om kan sual kanse tho luia ka tak man kan thiang na ranga Pathian biakrup sunga chuan ka tho lai han, anmanin kei ha an na lui mu; hava han Asia tenna Jiw aviar om an lui om.

¹⁹Anmanin kei jiang anajotluina iang alui om aninko hiva mun hin namai kunga luingir nan ta kei jiang an jot luina ha alui ri rang ke.

²⁰Animakle mingai hi ning kein ulianrupngai madonna kangir lai han aniluichuan ka tho na ha ri rase u.

²¹Kein kai jet khat ko athinga hi ning veikhat an ringkhir tihi tak ka ngai jarra ve ennihin nang ni madonna kei hi chongtan na nannanei, ajarko hivahi nang ni madonna kein ka lui ri.”

²²Han Felik ning hava lamrui jarra asat ijet jarra, lamkei ulian Laisia ning a hong tung phale kei ning nang ni chongtan na hi ki tho rang ke ati pea nidang khat lam chongtan nahi tho tarei a ti pe.

²³Hale a man Paul ha a huia tet taru ngakru hale ama a chuan tho a sap a jar ngai ham man om deru tia ralmi reakhat neipu jiang chong a bejui.

²⁴Nikhuo a lek aviar a thiang suale Felik ning a numei Jiwngai charjuor Drusila le an honga Paul ha an hong mankuija Khrista Jisu jiang takngai ruia ama jiang tenna an luingai.

²⁵Han, adik tho nale a tak lung kan chur an khat om a hong rang chongtana nikhuo ruia Paul ning a hong ripe a; Felik ning a chit a hong ti “Atun chetaro,” kei ning a pha ka mu ret kar han nang ha veikhat na hong kui ret kati.

²⁶Hale kan ruaia Paul ning ama jiang ruphai ina pek rang ke tia alui ngaidon, hiva jarra Paul ha ahongkui chak alui kan biak pui.

²⁷Kumni Suale Porsia Festa ning Felik a rahut athuljui, hale Felik Jiwngain an na lungsiat na rang atia Paul ha ma sua luia a mak jui.