Read Aimol TIRLON 6 Bible Online

TIRLON 6 - Aimol bible

TIRLON 6

¹Atun hiva nikhuo sung hin tirlonngai masing an lui hong khel, Grik chong ri mingai ning Jiwngai jiang an hong ri siatjui, ajarko anmanin meithai ngai ha ansanna chunga, a nitin tak natel pe ma u anti.

²Hava han tirlon somleini ning thiamruoingai ha an kuija anti, sepa kan tho na chunga Pathian chong om kan ri rang hi suak mak.

³Hiva jarra E, Ulenaingai rahui suak Thavang Thiang luising giannei pasal sari nang ni karra na thang peru, hiva chuan jarra anmani ha nei man rei.

⁴Tak-ha keininko lam nale hiva chuan ruia lung lut tak anitin kan tho rang ke.

⁵Han chong ha an jet mitamngai ning an lung a khop, hale anmanin takngai le Thavang Thiang in a sip pasal Stephan, Philip, Prokor, Nikanor Timon, Parme ha le Antiok Juda anmani hi an thangjui.

⁶Tirlonngai mai kunga an man ngirra, hale an chunga an kut ansiaka lampena an nei jui.

⁷Hale Pathian chong an ri naha ahong lian de det Jerusalem ma om tirlonngai masing om a hong kheldet, han thiampungai om takngai na han an lui hong jui.

⁸Stephan jiang manrit nale ranak a hong sip marra mingai karra jet nale angakpa chuan alui tho.

⁹Han an lungdo doa tho biakrup sunga mi tiko Sairenia, Aleksandria hale Silisia le Asia tenna mi a lek in Stephan ha jot mau a chong an lui kan jiatpui.

¹⁰Tak-ha a man chingna thiamna le kan ruaia thavang in aruai jarra a madonna lui ngir tor ma u.

¹¹Han anmanin ruk chian na mi aviar ha an niak, a man Mousi le Pathian jiang esella chong a ri keinin kan jet an hong manti.

¹²Han mitamngai ha, ti ko ulianrupngai le dan ojangai ha an lung an man thak Stephan ha an manchurra ulianrup madonna an hong choia.

¹³An hong ti, hiva mihi ning a thiang mun hele dan chong ruia a ri ha bangma.

¹⁴Hale Nazaret Jisu ning hiva mun hi manmang nata hale Mousi chong pek han i man kan thul rang ke a ti tia anniak mingai ha ning shakhi an hong manpek.

¹⁵Han ulianrup a om rakip ning ama jiang an en pha han, ama maisuo ha thaneithiang maisuo ang han an lui mu.