Read Aimol ROM 10 Bible Online

ROM 10 - Aimol bible

ROM 10

¹U le naingai anmanin sanring mu na ranga kei ka lung in a dei le kan ruaia anmani ranga kei ning Pathian jiang lam na ka nei.

²Ajarko anmanin Pathian ranga an lung lut na, hale an jet na nuk jui a om nima ti a kein anmani jiang shakhi ka pek.

³Ajarko anmanin Pathian dik na ha an jet lui ke na, an tak ranga dik na ha ngir na ranga an tok; anmanin an thei jak Pathian dik na hajui ma u.

⁴Ajarko Khrista ko a tokngai mirakip ning dik na ha chang na ranga dan a torna ha ani.

⁵Dan tenna dik na a tho mi jiang hava jarra ring na mu nati tia Mousi ning alui jiak.

⁶Tak-ha takngai jarra dik na ha ning a ti, na lung sunga ti maro tu ning mo vanram an kal rang? Hiva tina ko Khrista thuai tiang na hong choi khir.

⁷Animakle tu ning mo a tor ti buia thuai tianga i chum theng pet rang? Hava ha ko Khrista ha athi ngai tenna hong choi khir tina ani.

⁸Tak-ha imo a ti, nang na kolla na mu jarra na lung sunga chong ha a om, hava ha ko keinin kan ri takngai chong ha ani.

⁹Ajarko nang na murra Puma ani nati a hale athi ngai kar tenna Pathian ning a man ringkhir tia na lung sunga tak nangainko nang ha na san nati.

¹⁰Ajarko mi ning dik na mu na ranga an lung sunga tak an ngai, hale sanring na, mu na ranga an murra an ri suak.

¹¹Ajarko chong thiang rabu ning a ti, Puma takngai mirakip jak na nei noni u.

¹²Jiw le Grik a kan khel na ite om mak, Puma ko an khat jak ke, hale ama a kui mirakip ranga a pek tor kan chong pa ha ani.

¹³Ajarko Puma ming a kui rakip ha sanring na mu nanti.

¹⁴Ha aninko anmanin takngai luia ama ha ijamo an kui rang? Hale an jet chil lui ama ha anmanin ijamo tak an ngai rang? Chong thiang ri pe luia anmanin ijamo an ngai rang?

¹⁵Hale anmani ha tir luia ko ijamo chong thiang an va ri rang? Hingahin a kan jiak a om, chong hui hong choi mingai ke ha i duk asat mo ani?

¹⁶Tak-ha an renga chong hui ha jui ver ma u, ajarko Isaia ning a ti, Puma keini ka chong riha tu ning mo tak a ngai jui?

¹⁷Hiva jarra chong a ngai jarra takngai na an nei, hale chong ha ko Khrista ruia ani.

¹⁸Tak-ha kei ning kati anmanin chong ha an ngai jui nimak mo? Chong tak balla an ngai jui anmani rasa ha ramuol pumpuia le anmani chong ha ramuol torna khan na a tung jui.

¹⁹Veikhat kei ning kati ret, Israelngai ning jet ma u mo? Mousi ning a rapa lai alui ri jat ani lui anmani chunga nan en lal na rang, a pang jatngai chunga nan rang na rang kei ning nang ni ha ki na radai rang ke.

²⁰Han Isaia ning kan thi suak a alui ri, kei anatok luingain an na mu jui, kei jiang a na lam luingai jiang kei ning ka kando pe jui.

²¹Tak-ha Puma ning Israelngai jiang a ti, chong jui lui le chongngai lui, jatngai tiang kei ning sun sot ka kut ha ka thuang jui.