Read Aimol ROM 11 Bible Online

ROM 11 - Aimol bible

ROM 11

¹Kei ning kati, Pathian ning ama a mingai ha a paijui mo? Hava nimak ajarko kei om Israel mi ka ni, Abraham vonchoi sunga, Benjamin phung tenna ka ni.

²Pathian ning a rapa i jet sa anmani ha pai mak, hale Elaija ruia chong thiang rabu ning imo ati ha nang nin nan jet lui mo? Ti ko, ama ning Israelngai chunga Pathian jiang alui rang.

³Puma, Pathian tashantheingai ha anmanin an that jui, hale kan bol na a mun ha an ve khui ver jui, ka thei jak ka om jui, han anmanin ka ringkhuo hi an la tok.

⁴Han Pathian ning ama jiang i hong sang ha imo a ti? Bal jiang an khup an bilinga chubeibuk lui mi lising sari kei ning ka thei jak ranga ka tet jui.

⁵Ha ang han, a tunphat hin nom manrit jarra i thang suak nuk juia a liambang aviar an la om.

⁶Tak-ha hivahi marit na jarra aninko chuan tenna ni lai ma, animak inko manrit na ha veikhat manrit na ni lai ma.

⁷Ha aninko ije? Israelngain an tok ha mu lai ma u, tak-ha ithang suak sangain an mu jui; hale an mak thak ngaiha an lung a ngar jui.

⁸Hi ang hin a kan jiak a om, Pathian ning imu dup thavang, mu mak na ranga a mit, jet mak na ranga kuar; ve enni nikhuo khan na a pek jui.

⁹David ning a ti, anmani nek le chak ha kuai ling le changtar hale kutsuikesui nei na rang le pong khodengthei ha anmani rang nita rase.

¹⁰Anmanin mu mak na ranga an mit ha jing rase, hale amongtibuia an kong kual theng pet rase.

¹¹Han kei ning kati, anmanin kan lum na ranga kutsuikesui mo an nei jui? Ha nima rase tak-ha anmani siatna jarra jatdangai sanring na an mu, hiva jarra Israelngain en lal na an nei.

¹²Anmani siatna jarra ramuol lam nei pui na, hale an ma sialna jarra jatdangngain nei pui na aninko, anmanin an lui ma sial mak inko i duk a an khel rang.

¹³Kei ning jatdangmi nang ni jiang kari ani, ajarko kei ko a dangjatngai ranga tirlon kini jarra kei ning ka chuan sin na ha manrit na ka nei.

¹⁴Ka tor aninko ka sap ngai, Jiwngai hi man kan ra ot a aviar hi san ring na ka man nei jot.

¹⁵Anmani ha an kui lai han ramuol hi an kan jot khir aninko, hale anmani ha veikhat an lui khir ha ning athi ngai ning an ringkhir le an kan ang rip.

¹⁶A phut na an khat tal ha a thiang inko, a renga a thiang ver; hale a rajung ha a thiang inko, thingchang thing kung a thiang ver.

¹⁷Tak-ha thingchang aviar ha a kiak inko, hale nang in ramcholopho akung na lui nia, anmani karra nang ha a chiak an nasuia ni tui ha anmani le na om suam.

¹⁸Adang thingchangngai jiang man kan lian maro, ngaidonro, nang ha a rajung in ana manring ke, hiva jarra man kan lian maro, a chang nangin a rajung ha ni manring nimak.

¹⁹Nang in nati rang ke, ka changngai hi a chiak sui na ranga an tuk tan jui.

²⁰Ha adik a tak a ngai mak jarra an tuktan ke, tak-ha na takngai jarra na langir, na lung sunga man kan lian maro, chit na lam neiro.

²¹Ajarko Pathian ning thingchang ha a sanring mak aninko, nangham ama ning na sanring noning.

²²Hiva jarra Pathian lungsiat nale lung thak na ha enro, an tuk tanngai tianga lung thak na, tak-ha nang in Pathian lungsiat na tianga na om chak inko, nang jiang ama lungsiat na ha hong om nati, animak inko nangham na tuk tan nati.

²³Adangai ham an takngai luina tiang han an om chak mak inko, anmani ham a chiak la sui nanti; ajarko Pathian ning anmani ha veikhat a chiak a sui khir tor.

²⁴Nang ha ram ma a om cholopho kung tenna a na tuk that, a balam ma cholopho kung nek kheldet a chiak a na sin inko; alui om sa cholopho kung tenna i duk khel la a chiak a sin rang.

²⁵U le naingai nan man kan liana a ching a thei kan ni tia nan ngaidon mak na rang, hiva chong lut hi nan jet lui rang hi ka dei nimak; ti ko jatdangngai ning an kipdirra an hong lut mak kar je, Israelngai karra her khat in lung thak a an hong suak jui.

²⁶Israel rakip sanring om nati ti a, hingahin a kan jiak; a na tan ring pa ha Zion tenna hong nati, ama ning Jakop vonchoi Pathian oilui ngaiha manmang nati.

²⁷Han kei ning anmani siatna bang pek a ti, hivahi anmani le kei chongtan na ani.

²⁸Chongsat ruia ko anmani hi nang ni na en dangai anni, tak-ha an thang suak ruia ko anmani hi kan pa kan pungai ranga lungsiat thei anni.

²⁹Ajarko Pathian a kutchoi le i kui na jarra ko a lung thul mak.

³⁰Atuan lai han nang nin Pathian chong ha lui jui ma che u, tak-ha a tun ko anmanin ri an luingai lui han nang nin Pathian manrit na ha nan mu jui.

³¹Ha ang han nang ni jiang ana man mu lungsiat han an ma ninnom a tun lungsiat mu na ranga; hiva ngai hin a tun ringai lui an chang jui.

³²Pathian ning i rakip chunga lungsiat do na ranga, mirakip hi ringai lui tiang an na man che jui.

³³Atat ae, Pathian ama lung ching lung var anei na chung changa, ama chongtan nai tu ning mo an tok tor rang, ama che na lam ha tu ning mo an jet tor rang?

³⁴Ajarko Puma lungdo tu ning mo an jet jui? Animakle tu ning mo ama ha chong kan siam pui rang an om jui? Tia chong thiang in a ti.

³⁵Animakle, ama jiang a rapa an pek bak, nuk mu khir rang ama jiang tenna tu mo?

³⁶Ajarko phur rakip hi ama ning asin ke, ama jarra irakip hi an ring ke, a tor ti buia ama ha manpak chang rase, Amen.