Read Aimol 1 KORINTH 8 Bible Online

1 KORINTH 8 - Aimol bible

1 KORINTH 8

¹Atunko kut a sin Pathian jiang chakpek ruia kein in kan jet jui. Chingna theina ning thuaina mankanliana a na pek tak-ha lungsiat ning asat chuan na a na mankanson.

²Tu khat ning ka jet pet tia a om inko ama han jet rang a suak rakip ha la jet mak.

³Tak-ha tu khat ning Pathian ha a lungsiat inko, ama ha Pathian ning a jet.

⁴Hiva kut a sin Pathian jiang chakpek ruia kan jet, tiko puma Pathian niluia a dang Pathian om mak.

⁵Ramuol le vanram hin pathian a tam tak an om nom.

⁶Keini rang ko Pathian khat jak ani kan pa Pathian ama ning phur rakip hi alui sin hale Jisu Khrista tenna i rakip alui kan sin hale kein in ama jiang kan om.

⁷Miriakip ning an jet ko nimak, tak-ha mi aviar ko atun tunga kut a sin Pathian jiang chakpek an la tho, hale an chak ha adik dikmakti an jet lui jarra anmanin an chak ha Pathian manthiangmak tia an lui om.

⁸Chak nek ning keini hi Pathian le na man kan nai mak kan chak mak nom a khel la a satlui nimak, kan chak nom a khel la asat nimak.

⁹Tak-ha kein in kan jet thei na ranak han takngai na asual mingai chunga siatna an chul mak na ranga kan ning theirei.

¹⁰Ajarko chingna theina aneipa ama han kut a sin Pathian om na bu nek na mun han a om karra ching na a nei lui mi khat ning a mu inko Pathian jiang chak an pek ha chak jot noning mo?

¹¹Hale nan ching na jarra a jet lui pa ama ha mang na nei noning mo? Nan u nan nai ama jarra Jisu Khrista a lui thi ani.

¹²Hingahin ulenaingai jiang nang nin siatna nan tho han Khrista jiang om siatna nan tho jui.

¹³Hiva jarra chak nek in ka u ka nai mang na siatna chul na aninko kein me chak lai noning, ka ulenaingai siatna an chul mak na ranga ani.