Read Aimol 1 KORINTH 9 Bible Online

1 KORINTH 9 - Aimol bible

1 KORINTH 9

¹Keihi an na masua mi mo ni making? Kei hi tirlon mo ni making? Kan puma Jisu Khrista ha kila mu lui mo? Puma ranga nang ni jiang chuan kitho mo nimak?

²Midangngai ning keihi Pathian tirlon tia an na jet mak nom, keihi nang ni jiang ko tirlon ha kani. Puma tirlon ka changna adik ha ko nang nin puma jiang nan om han shakhi ani.

³Kei chunga a na jot lui mingai jiang hingahin ka sang ani.

⁴Keihi chak le nek ranga ranak nei making mo?

⁵Adang tirlonngai le kan nai pangpa hale kephas ngai anga keini hi Pathian takngai numei le kan ruai ranga ranak nei masing mo?

⁶Animakle Barnabas le keihi chuan sin bang ranga ranak kan nei lui mo?

⁷Tu mo ralmi achanga aloman ha a tak tak ning akan pek? Tumo theikung alinga ara a chak lui? Tu mo belram ajok a selkhom a mu lui an om?

⁸Kein hivahi miring rat na ranak hin mo ka ri? Che na dan le ko kan ang mak mo?

⁹Ajarko Mousi ning che na dan hin alui jiak nang in chuan sin na sial ha amur khit pemaru. Sial ha Pathian ning a ngaidon luimo?

¹⁰Mirakip rahut a ama han alui ri mo nimak? A ni, keini ranga hingahin alui kan jiak, ajarko luitho pa le achang luakpa an nija chang kan mu rang ke tia an ngaidon ani.

¹¹Keini nan karra Thavangai chimu kan linga tak sa tianga phur tenna kanmu hi akhel reimo?

¹²Midang ngai ning nang ni jiang an na ri tor aninko, keini ning anmani nek a ritor na ranak kan nei luimo? Tak-ha keinin lui ri masing hale i rakip a kan lui khang Khrista chongsat rihin a salui man suak jot masing.

¹³Nang nin jet ma che u mo? A thiang inna chuan tho anmani ning hava mun na bu an nek hale a thiang inna a hong chakpek mingai ham chak ranga an tum an mu.

¹⁴Hingahin puma ning ati, puma chongsat a ri mingai ning puma chongsat ruia bu an nek rang asuak

¹⁵Kein hiva ranak hi laneiman making hale chithi hin nom hong jiak making loman mu na ranga. Mi khat ning kei ka lianna mun ha a man buia a manmang nek inko kei thilam ka dei det.

¹⁶Kein Pathian chongsat ka ri jarra man kan lian making. Hiva hi kei ranga ri mak jot lui khat ani. Kein ka ri mak inko kei ranga khodengthei na khat ani.

¹⁷Kein thanuam na ka tho inko kei ranga loman a om, tak-ha kein kada aninom kei chunga hiva chuan hi a na pek jui.

¹⁸Han kein ki mu rang loman ha imo ani? kein Pathian chongsat ha a man buia ka ri, ka mu rang asuak ha tok luia, hivahi kei ranga ravansat ha ani, Pathian chong ka ri rang asuak.

¹⁹Keihi an na ma sua Lungdo tunga a om kaninom, mirakip suak ha kani jui, mitamngai manjot thei na ranga ani.

²⁰Hiva jarra Jiwngai jiang kei Jiw ka chang, anmani manjot na ranga, Mousi che na dan ajui mingai jiang kei anmani anga ka om kei ning ka lui juimak a chang nom, anmani manjot theina ka tho ani.

²¹Hingahin Jatdangai ngai karra ka om le Jatdangai ngai anga ka om, anmani manjot na ranga. Kein Pathian dan ha ka jui lui ko chang mak. Kei a thianga Khrista che na dan ka jui ani.

²²A sual mi karra ka sual, anmani manjot na ranga, mingai che na rakip a kei om ka lui che, hingahin mi aviar santor na ranga ka lui tho.

²³Hale kein irakip ka lui tho hi Pathian chongsat jarra ani ama phual musuam na ranga ani.

²⁴Tan risiat a mitam an lui ta an, tak-ha mikhat jak ning ponglo a mu tihi nang nin nan jet lui mo?

²⁵Kan dai a kan chel mingai ning i rakip a antak ankan chur, hale anmani ning mang a jot loman ha muna ranga an tho, tak-ha kein in kan tho hiko phat rakip a amang thei lui rang loman ha ani.

²⁶Hiva jarra kein a tok rang buia ve making ka tok rang phur khat chunga kein kave ani. Phaivuo kave nimak.

²⁷Tak-ha kein midang jiang Pathian chongsat ha ka ri, kei ka tak chunga a satlui hong chul a jot tia ka tak ka kan khit a ka om.