Read Aimol 2 KORINTH 10 Bible Online

2 KORINTH 10 - Aimol bible

2 KORINTH 10

¹Paul kei ning nangni jiang Khrista lung nem le lungdai han ka na mathem. Kein nan karra ka om lai man kan sin na ka lui om, tak-ha nangni tenna ka che le ko chongar ka ri.

²Khrista lung nem lungdai han ka na mathem ani. Kein ka hong karra chong a ngarra na man ri maru; keini hi ramuol la taksa lungdo a om ana ti mingai chunga kein chong a ngarra ka ri tor.

³Keinin ramuol la kan om achang nom ramuol la lungdo ranga ral tho masing.

⁴Ajarko keini ral tho na chem pho ngaiha ko ramuol tenna nimak, tak-ha Pathian tenna ranak han a salui rakip manmang na ranga kan tho ani.

⁵Keinin a man kan lian na a om, pathian ning a jot lui chuan tho rakip ha kan manmang hale chingna theina rakip ham kan churra Khrista chong kan man jui ani.

⁶Nang nin chong nan jui suale keinin chong jui lui ngaiha pongna kan pek rang ke.

⁷Nan madon namo a om enru, tu khat ning Khrista anga ka om tia akan ngaidon aninko, ama han asunga avon sunga kan ngaidon de rase, ajarko keini om Khrista jiang ama a om anga kan om.

⁸Kein man kan lian na ka ri nom jak noning, ajarko pathian in ka chunga a na pek ranak hi nang ni na kei thui na ranga ani nang ni na ma setna ranga nimak.

⁹Hiva ka chithi hin nangni ka na man chit ko chang ma rase.

¹⁰Mi ning anti paul chithi ko atam angar tak-ha a man kan karra a om le ko a nem, a chong ri ham i om nimak!

¹¹Pathian tirlon ka ni tia a man kan lian mingai le keini hi dan ka nen jot masing. Anmanin a thei jak a an lui man kan lian anni. I duk a ajet luimo anni ha?

¹²Ajarko, pathian ning ana pek ram sunga niluia keinin chong lian ha ri jot mak, tak-ha a man ana pek sunga nangni jiang chuan tho rang hi om akan chel jui.

¹³Keinin kan la hong tung chil lui anga akhel khella che nonising. A rapatak keinin Jisu Khrista chongsat nang ni jiang kan lui hong choi.

¹⁴Pathian in keini jiang ana pek luina mun na midangngai ning an lui sin chuan han keinin chong alian na ri tor masing.

¹⁵Hiva rahut da tak nan ngaiha man khelru hale pathian ning keini jiang ana pek ram sunga keinin chuan ha akhel la tho tor kanti.

¹⁶Hi aninko keinin nan ram va ralla Pathian chong ha ri tor kan ti. Mi ning an leisin chuan ha keinin man ka lian tho nonising.

¹⁷A man kan lian jot ama ha Pathian jiang man kan lian rase.

¹⁸Ajarko atak atheia a man kan lian ha jot mak, tak-ha pathian in ama ha man lian rase.